ரெட்மி நோட் 12, 12சி ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள்

சென்னை: சியோமி இந்தியா சார்பில் ரெட்மி நோட் 12 சீரிஸ் போன்களில் நோட் 12 4ஜி மற்றும் நோட்ட 12சி ஸ்மார்ட்போன்கள் இந்திய சந்தையில் அறிமுகம் செய்யப்பட்டுள்ளது. இந்த போன்களின் விலை மற்றும் சிறப்பு அம்சங்கள் குறித்து விரிவாக பார்ப்போம்.

சீன எலக்ட்ரானிக்ஸ் நிறுவனமான சியோமிக்கு சொந்தமான துணை நிறுவனம் தான் ரெட்மி. கடந்த 2013 முதல் பட்ஜெட் விலையில் போன்களை விற்பனை செய்து வருகிறது இந்நிறுவனம். வாடிக்கையாளர்களைக் கவரும் வகையில் புதிய போன்களை சந்தையில் அறிமுகம் செய்வதை ரெட்மி நிறுவனம் வழக்கமாகக் கொண்டுள்ளது. அந்த வகையில் தற்போது இந்திய சந்தையில் ரெட்மி நோட் 12 சீரிஸில் இரண்டு ஸ்மார்ட்போன்களை அறிமுகம் செய்துள்ளது.

நோட் 12சி: சிறப்பு அம்சங்கள்

• 6.7 இன்ச் டிஸ்ப்ளே
• ஆண்ட்ராய்டு 12 இயங்குதளம்
• ஹீலியோ ஜி85 சிப்செட்
• 5,000mAh பேட்டரி
• மைக்ரோ யுஎஸ்பி போர்ட்
• பின்பக்கதில் 50 மெகாபிக்சல் கொண்டுள்ளது பிரதான கேமரா
• 5 மெகாபிக்சல் கொண்டுள்ளது முன்பக்க கேமரா
• 4ஜிபி ரேம் + 64ஜிபி ஸ்டோரேஜ், 6ஜிபி ரேம் + 128ஜிபி ஸ்டோரேஜ் என இரண்டு வேரியண்ட்டுகளில் இந்த போன் வெளிவந்துள்ளது
• இந்த போனின் விலை ரூ.8,999 மற்றும் ரூ.10,999

நோட் 12: சிறப்பு அம்சங்கள்

• 6.67 இன்ச் சூப்பர் AMOLED டிஸ்ப்ளே
• ஸ்னாப்டிராகன் 685 சிப்செட்
• 12சி போனில் உள்ள அதே ஸ்டோரேஜ் வேரியண்டை இந்த போனும் கொண்டுள்ளது
• பின்பக்கத்தில் 50 + 8 + 2 மெகாபிக்சல் கேமரா
• ஆண்ட்ராய்டு 13 இயங்குதளம்
• 64ஜிபி ஸ்டோரேஜ் கொண்ட போனின் விலை ரூ.14,999
• 128ஜிபி ஸ்டோரேஜ் கொண்ட போனின் விலை ரூ.16,999
• இரண்டும் 4ஜி இணைப்பு வசதியை கொண்ட போன்கள் என்பது குறிப்பிடத்தக்கது