மலிவு விலையிலான இன்பினிக்ஸ் ஹாட் 11 2022 ஸ்மார்ட்போன் இந்தியாவில் அறிமுகம்

புதுடெல்லி: இந்திய ஸ்மார்ட்போன் சந்தையில் அறிமுகம் செய்யப்பட்டுள்ளது, இன்பினிக்ஸ் நிறுவனத்தின் ஹாட் 11 2022 ஸ்மார்ட்போன். இதன் விலை மற்றும் சிறப்பம்சங்களைப் பார்ப்போம்.

இந்தியாவில் பட்ஜெட் ரக பிரிவில் அறிமுகமாகியுள்ளது இன்பினிக்ஸ் ஹாட் 11 2022 ஸ்மார்ட்போன். இந்த போன் இந்திய சந்தையில் விற்பனையாகி வரும் ரியல்மி, போக்கோ மற்றும் ரெட்மி மாதிரியான நிறுவனங்களின் பட்ஜெட் பிரிவு போன்களுக்கு விற்பனையில் சவால் கொடுக்கும் என தெரிகிறது. ஹாட் 11 சீரிஸ் போனுக்கு கிடைத்த வரவேற்பை தொடர்ந்து இந்த போன் அறிமுகம் செய்யப்பட்டுள்ளது.

6.7 இன்ச் டிஸ்பிளே, யுனிசாக் டி610 புராசஸர், 4ஜிபி ரேம், 64ஜிபி இன்டர்னல் ஸ்டோரேஜ், ஆண்ட்ராய்டு 11 இயங்குதளம், பின்பக்கத்தில் இரண்டு கேமரா, 8 மெகாபிக்சல் கொண்ட செல்ஃபி கேமரா, 5000mAh பேட்டரி, 10 வாட்ஸ் சார்ஜிங் சப்போர்ட், டைப் சி போர்ட், 4ஜி இணைப்பு வசதி மாதிரியானவை இதில் உள்ளது.

வரும் 22-ஆம் தேதி முதல் விற்பனைக்கு வருகிறது இந்த போன். மூன்று வண்ணங்களில் கிடைக்கும் என தெரிவிக்கப்பட்டுள்ளது. இதன் விலை 8,999 ரூபாய். பிளிப்கார்ட் தளத்தின் மூலம் இந்த போன் வாங்கலாம் என தெரிவிக்கப்பட்டுள்ளது.

Freakin' HOT launch on a Freakin' Friday!! Infinix HOT 11 2022 comes with the best in segment display!