அழகிய எலுகா

4 ஜி பிரிவில் மேலும் ஒரு புதிய வரவு எனச் சொல்லும் வகையில் இந்தியாவில் பானசோனிக் நிறுவனமும் தன் பங்குக்கு 4ஜி ஸ்மார்ட் போனை அறிமுகம் செய்திருக்கிறது.

எலுகா எல் 4ஜி (Eluga L 4G ) எனும் பெயரிலான இந்த போன் ரூ.12,990 விலையில் விற்பனைக்கு வந்துள்ளது. ஆன்லைனிலும், தேர்ந்தெடுத்த விற்பனை நிலையங்களிலும் கிடைக்கிறது. இரட்டை சிம் போன் என்றாலும் கிட்கேட் 4.4. இயங்குதளம் என்பது சிறிது ஏமாற்றத்தைத் தரலாம்.

5 அங்குலத் திரை ஐபிஎஸ் டிஸ்பிளே ஆகிய அம்சங்களைக் கொண்டிருக்கிறது. 8 மெகா பிக்சல் பின்பக்க காமிரா மற்றும் 5 மெகா பிக்சல் முன்பக்க காமிராக்களைக் கொண்டிருக்கிறது. 8 ஜிபி ஸ்டோரேஜ் மற்றும் விரிவாக்க வசதியும் இருக்கிறது.

பேட்டரி ஆற்றல் பற்றித்தான் அதிக தகவல் இல்லை. வை-பை, ப்ளூடூத், ஜிபிஎஸ் மற்றும் 3ஜி ஆகிய வசதிகளும் இருக்கின்றன.

துடிப்பான நீல வண்ணத்தில் கிடைக்கும் எனத் தெரிவிக்கப்பட்டுள்ளது.