இன்ஸ்டாகிராமில் பழமொழிகள்!

ஒளிப்படப் பகிர்வுச் செயலியான இன்ஸ்டாகிராமைப் பலவிதங்களில் பயன்படுத்தலாம். இங்கிலாந்தின் மான்செஸ்டரைச் சேர்ந்த ஓவியரான ஜஸ்டின் சாப்மேன் பழமொழிகளைப் புதுமையான முறையில் பகிர்ந்து கொள்ள இன்ஸ்டாகிராமைப் பயன்படுத்திவருகிறார்.

சாப்மேன் ஓவியர் என்பதால் பழமொழிகளை விளக்கும் வகையில் அழகான சித்திரங்களை வரைந்து அவற்றைப் படம் பிடித்துத் தனது இன்ஸ்டாகிராம் பக்கத்தில் வெளியிட்டுவருகிறார். ஒவ்வொரு பழமொழிப் படத்துக்கும் கீழ் அதற்கான பழமொழி வாசகமும் அது எந்த நாட்டுப் பழமொழி என்பதும் இடம்பெற்றிருக்கிறது.

இப்படி உலகப் பழமொழிகள் பலவற்றை அவர் படக்கதை பாணியில் ஓவியமாக வெளியிட்டுவருகிறார். பழமொழியில் ஆர்வம் கொண்டவர்கள் அவற்றைப் பட விளக்கத்துடன் வாசிக்கும்போது இன்னும் சுவாரஸ்யமாக இருக்கிறது.

ஜஸ்டின் சாம்ப்மேனின் இன்ஸ்டாகிராம் பக்கம்: >https://www.instagram.com/chapmangamo/