iQOO Z10x ஸ்மார்ட்போன் இந்தியாவில் அறிமுகம்: விலை, சிறப்பு அம்சங்கள்
சென்னை: இந்திய ஸ்மார்ட்போன் சந்தையில் iQOO Z10x ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம். இதே போனுடன் iQOO Z10 ஸ்மார்ட்போனும் வெளிவந்துள்ளது.
சீன நாட்டின் ஸ்மார்ட்போன் உற்பத்தி நிறுவனங்களில் ஒன்றுதான் iQOO. விவோவின் துணை நிறுவனம். அவ்வப்போது ஸ்மார்ட்போன் பயனர்களை கவரும் வகையில் புதிய மாடல் போன்களை சந்தையில் வெளியிடுவது வழக்கம். அந்த வகையில் iQOO Z10x ஸ்மார்ட்போன் அறிமுகமாகி உள்ளது.
இந்த போன் பட்ஜெட் விலையில் வெளிவந்துள்ளது. 5ஜி நெட்வொர்க்கில் இந்த போன் இயங்குகிறது. இரண்டு விதமான ஸ்டோரேஜ் வேரியன்ட் மற்றும் இரண்டு வண்ணங்களில் இந்த போன் கிடைக்கிறது. சிறப்பு அம்சங்கள்:
- 6.72 இன்ச் டிஸ்பிளே
- மீடியாடெக் டிமான்சிட்டி 7300 சிப்செட்
- ஆண்ட்ராய்டு 15 இயங்குதளம்
- இரண்டு ஆண்ட்ராய்டு இயங்குதள அப்டேட்
- 6ஜிபி / 8ஜிபி ரேம்
- 128ஜிபி / 256ஜிபி ஸ்டோரேஜ்
- பின்பக்கத்தில் இரண்டு கேமரா. அதில் 50 மெகாபிக்சல் கொண்டுள்ளது பிரதான கேமரா இடம்பெற்றுள்ளது
- 4கே வீடியோவை பதிவு செய்யலாம்
- 8 மெகாபிக்சல் கொண்டுள்ளது முன்பக்க கேமரா
- யுஎஸ்பி டைப்-சி
- 6500mAh பேட்டரி
- 44 வாட்ஸ் அதிவேக சார்ஜிங் திறன்
- ரிவர்ஸ் சார்ஜிங் அம்சம் இடம்பெற்றுள்ளது
- இந்த போனின் விலை ரூ.13,499 முதல் ஆரம்பமாகிறது