சென்னை: சென்னை திருவான்மியூரில் செயல்பட்டு வரும் கலாஷேத்ரா நாட்டிய கல்லூரியில் மாணவிகளுக்கு பாலியல் தொல்லை அளிக்கப்படுவதாக புகார் எழுந்தது.
இது தொடர்பாக முன்னாள் மாணவி ஒருவர் புகார் அளித்தார். புகாரின் பேரில், கல்லூரியின் உதவிப் பேராசிரியர் ஹரிபத்மன் மீது அடையாறு போலீஸார் 3 பிரிவுகளில் வழக்கு பதிவு செய்து, கைது செய்தனர்.
இந்த வழக்கில் தனக்கு ஜாமீன் வழங்கக் கோரி சைதாப்பேட்டை நீதிமன்றத்தில் ஹரிபத்மன் மனு தாக்கல் செய்தார். இந்த மனு சைதாப்பேட்டை 9 -வது நீதித்துறை நடுவர் மோகனாம்பாள் முன்பு நேற்று விசாரணைக்கு வந்தது. அப்போது, போலீஸ் தரப்பில் கடும் எதிர்ப்பு தெரிவித்ததை அடுத்து ஜாமீன் மனுவை தள்ளுபடி செய்து நீதிபதி உத்தரவிட்டார்.