சென்னை: ஆளுநர் ஆர்.என்.ரவி தனது 71-வது பிறந்தநாளை நேற்று கொண்டாடினார். அவருக்கு தெலங்கானா ஆளுநர், முதல்வர் மு.க.ஸ்டாலின் மற்றும் அரசியல் கட்சித் தலை
வர்கள் வாழ்த்து தெரிவித்துள்ளனர்.
இதுதொடர்பாக அவர்கள் வெளியிட்டுள்ள வாழ்த்துச் செய்திகள்:
தெலங்கானா ஆளுநர் தமிழிசை சவுந்தரராஜன்: தமிழக ஆளுநர் ஆர்.என்.ரவிக்கு எனது மனமார்ந்த பிறந்தநாள் வாழ்த்துகளை தெரிவித்துக் கொள்கிறேன். பூரண உடல் ஆரோக்கியத்தோடு நீண்ட ஆயுளுடன் மக்கள் பணியாற்ற எல்லாம் வல்ல இறைவனை பிரார்த்திக்கிறேன்.
முதல்வர் மு.க.ஸ்டாலின்: ஆளுநர் ஆர்.என். ரவிக்கு பிறந்தநாள் வாழ்த்துகள். நீண்ட ஆயுளும், நல்ல உடல் நலமுடனும் வாழ வாழ்த்துகிறேன்.
» தமிழகத்தில் இடி, மின்னலுடன் மழைக்கு வாய்ப்பு
» மகாவீரர் ஜெயந்தியை முன்னிட்டு முதல்வர் ஸ்டாலின், தலைவர்கள் வாழ்த்து
அதிமுக பொதுச்செயலாளர் பழனிசாமி: ஆளுநர் ஆர்.என்.ரவிக்கு என் நெஞ்சம் நிறைந்த பிறந்தநாள் வாழ்த்துகள். அவர் வாழ்வில் எல்லா நலமும், வளமும் பெற்று மகிழ்ச்சியுடன் வாழ அன்புடன் வாழ்த்துகிறேன்.
தமிழக பாஜக தலைவர் அண்ணாமலை: ஆளுநர் ஆர்.என்.ரவி, நீண்ட ஆயுளுடனும் நிறைவான ஆரோக்கியத்துடனும் தேசப்பணி தொடர, தமிழக பாஜக சார்பாக இனிய பிறந்தநாள் நல்வாழ்த்துகளைத் தெரிவித்துக் கொள்கிறேன்.
தமாகா தலைவர் ஜி.கே.வாசன்: ஆளுநர் ஆர்.என்.ரவி நல்ல உடல் ஆரோக்கியத்தோடு, நாட்டுக்கும், நாட்டு மக்களின் வளர்ச்சிக்கும் தொடர்ந்து பணியாற்ற, தம் வாழ்வில் எல்லா வளமும், நலமும் பெற்று, இறைவன் திருவருளோடு வாழ, மனம் நிறைந்த பிறந்தநாள் வாழ்த்துகளை தெரிவித்துக் கொள்கிறேன். இவ்வாறு அவர்கள் தெரிவித்துள்ளனர்.