தமிழக வேளாண் பட்ஜெட் முதல் ராகுல் காந்தி கடிதம் வரை: செய்தித் தெறிப்புகள் 10 @ மார்ச் 21, 2023

தமிழக வேளாண் பட்ஜெட் - முக்கிய அம்சங்கள்: தமிழக வேளாண் பட்ஜெட் 2023 - 2024 செவ்வாய்க்கிழமை காலை 10 மணிக்கு சட்டப்பேரவையில் தாக்கல் செய்யப்பட்டது. இது திமுக அரசு தாக்கல் செய்யும் மூன்றாவது வேளாண் பட்ஜெட் ஆகும். பச்சைத் துண்டு அணிந்துவந்து அமைச்சர் எம்.ஆர்.கே.பன்னீர்செல்வம் வேளாண் பட்ஜெட்டை தாக்கல் செய்தார். சங்க இலக்கியப் பாடல்களை மேற்கோள் காட்டி வேளாண்மையை மாண்பினை எடுத்துக் கூறினார். இந்த வேளாண் பட்ஜெட்டில் கிராமங்கள் தன்னிறைவு பெற கலைஞரின் அனைத்து கிராம ஒருங்கிணைந்த வேளாண் வளர்ச்சித் திட்டம், 5 மாவட்டங்களில் சிறுதானிய மண்டலங்கள் விரிவாக்கம் செய்யப்படும், காவிரி டெல்டாவில் ரூ.1,000 கோடி செலவில் வேளாண் தொழில் பெருந்தடம் உள்ளிட்ட அம்சங்கள் இடம்பெற்றிருந்தன.