சென்னை அரசு செவிலியர் பயிற்சி பள்ளியில் படித்த 35 செவிலியர்கள் 40 ஆண்டுக்குப்பின் சந்திப்பு: ஆசிரியைகளுக்கு மோதிரம் அணிவிப்பு

சென்னை: சென்னை மருத்துவக் கல்லூரியின் (எம்எம்சி) கீழ் செயல்படும் செவிலியர் பயிற்சிப் பள்ளியில் 1983-ம்ஆண்டு டிப்ளமோ நர்சிங் படித்த செவிலியர்கள் சந்திப்பு நிகழ்ச்சி நேற்று நடந்தது.

தமிழகம் முழுவதும் உள்ள அரசு மருத்துவமனைகளில் செவிலியர் கண்காணிப்பாளராகவும், அரசுசெவிலியர் கல்லூரி முதல்வராகவும் பணியாற்றும் 35 செவிலியர்கள் பங்கேற்று நினைவுகளைப் பகிர்ந்து கொண்டனர். அப்போது, தங்களுக்குப் பாடம் கற்பித்த 3 ஆசிரியைகளுக்கு தங்க மோதிரம் அணிவித்து, நினைவுப் பரிசு வழங்கி கவுரவித்தனர்.

இது தொடர்பாக சென்னை மருத்துவக் கல்லூரி செவிலியர் பயிற்சிப் பள்ளி முதல்வர் எம்.பிரேமகுமாரி கூறியதாவது: சென்னை அரசு செவிலியர் பயிற்சிப் பள்ளியில் 1983-ம்ஆண்டு மார்ச் 10-ம் தேதி முதல் 1986-ம் ஆண்டு வரை டிப்ளமோ நர்சிங் படிப்பை 100 பேர் படித்தோம்.

அதில், தற்போது 40 பேர்வாட்ஸ்-அப் குரூப்பில் தொடர்பில் இருக்கிறோம். அதில், 30 பேர்இன்று நடந்த சந்திப்பு நிகழ்ச்சியில் பங்கேற்றோம் ஒருவருக்கொருவர் நினைவுகளைப் பகிர்ந்துக் கொண்டோம். 80 வயதைக் கடந்த 3 ஆசிரியைகளை அழைத்து வந்து கவுரவப்படுத்தினோம்.

ஆசிரியைகளும் எங்களை கவுரவித்தனர். குழு புகைப்படம் எடுத்துக் கொண்டு அனைவரும் சென்றோம். இந்த நாள் எங்கள் வாழ்நாளில் மறக்க முடியாத நாள் ஆகும் என்று தெரிவித்தார்.