வீட்டுவசதி வாரியத்தில் கருணை அடிப்படையில் பணி நியமன ஆணை

சென்னை: தமிழ்நாடு வீட்டுவசதி வாரியத்தில் பணியாற்றி பணியின் போது உயிரிழந்த பணியாளர்களின் வாரிசுகளுக்கு கருணை அடிப்படையில் பணி நியமன ஆணைகளை வீட்டுவசதி வாரிய தலைவர் பூச்சி எஸ்.முருகன் நேற்று வழங்கினார்.

இதுகுறித்து வாரியம் வெளியிட்ட செய்திக்குறிப்பு: வீட்டுவசதி வாரிய அலுவலகத்தில் நடைபெற்ற நிகழ்ச்சியில், 53 இளநிலை உதவியாளர்கள், 3 தொழில்நுட்ப உதவியாளர்கள், ஒரு தட்டச்சர், 2 ஓட்டுநர்கள், 4 அலுவலக உதவியாளர்கள் ஆகியோருக்கு பணி நியமன ஆணைகளை வீட்டுவசதி வாரிய தலைவர் பூச்சி எஸ்.முருகன் வழங்கினார்.

மேலும், 14 இளநிலை வரைவு அலுவலர்களுக்குவரைவு அலுவலர்களாகவும், ஒரு கண்காணிப்பாளருக்கு உதவி வருவாய் அலுவலராகவும், 3 உதவியாளர்களுக்கு கண்காணிப்பாளர்களாகவும் பதவி உயர்வு ஆணைகளை வழங்கினார்.

நிகழ்ச்சியில் வீட்டுவசதித் துறை செயலர் அபூர்வா, வாரிய மேலாண் இயக்குநர் சரவண வேல்ராஜ், வாரிய செயலாளர் சரவணமூர்த்தி உள்ளிட்டோர் உடன் இருந்தனர். இவ்வாறு அதில் கூறப்பட்டுள்ளது.