சென்னை: போதை பழக்கத்துக்கு எதிரான ஒரு கோடி கையெழுத்து இயக்கத்திற்கு ஆதரவாக நடிகர் ரஜினிகாந்த் கையெழுத்திட்டார்.
தமிழ்நாட்டு இளைஞர்களை, மாணவர்களை போதைக் கலாச்சாரத்தில் இருந்து விடுவிக்க வேண்டும். அனைத்து பகுதிகளிலும் தாராளமாய் கிடைக்கும் மது, கஞ்சா உள்ளிட்ட பொருட்களை தடை செய்ய வேண்டும் உள்ளிட்ட பல்வேறு கோரிக்கைகளை வலியுறுத்தி இந்திய ஜனநாயக வாலிபர் சங்கத்தினர் மக்களிடம் ஒரு கோடி கையெழுத்து பெறும் இயக்கத்தை நடத்தி வருகின்றனர்.
இந்த இயக்கத்திற்கு ஆதரவாக பல்வேறு அரசியல் கட்சி தலைவர்கள், நடிகர்கள், நடிகைகள், முக்கிய பிரபலங்கள் கையெழுத்திட்டு வருகின்றனர். இதன்படி நடிகர் ரஜினிகாந்த் இன்று (பிப்.25) போதை பழக்கத்துக்கு எதிரான ஒரு கோடி கையெழுத்து இயக்கத்திற்கு ஆதரவாக கையெழுத்திட்டார்.