ஈரோடு கிழக்கு அப்டேட் முதல் ராமர் பாலம் வழக்கு வரை: செய்தித் தெறிப்புகள் 10 @ பிப்.16, 2023

ஈரோடு கிழக்கில் அனுமதி பெறாத 14 ‘கூடாரங்களுக்கு’ சீல்: ஈரோடு கிழக்கு தொகுதியில் தேர்தல் பணிமனை என்ற பெயரில் கூடாரங்கள் அமைத்து வாக்காளர்களை, திமுகவினர் அடைத்து வைக்கப்படுவதாக அதிமுக சார்பில் குற்றச்சாட்டு எழுந்தது. இது தொடர்பாக தேர்தல் ஆணையத்திலும் புகார் அளிக்கப்பட்டது.

இந்நிலையில், ஈரோடு கிழக்கு தொகுதியில் இரு கட்சிகளின் சார்பிலும் அமைக்கப்பட்டு உள்ள தேர்தல் பணிமனைகளின் கூடாரங்களில் போலீஸ் பாதுகாப்புடன் தேர்தல் பிரிவு அதிகாரிகள் சோதனை நடத்தினர். இதில் முறையாக அனுமதி பெறாத தேர்தல் பணிமனைகளுக்கு சீல் வைக்கப்பட்டது.