ஓபிஎஸ் உடன் பாஜக தலைவர் அண்ணாமலை சந்திப்பு 

சென்னை: சென்னை கிரீன்வேஸ் சாலையில் உள்ள இல்லத்தில் பாஜக மாநில தலைவர் அண்ணாமலை, ஓ.பன்னீர் செல்வத்தை சந்தித்து பேசி வருகிறார்.

ஈரோடு கிழக்கு தொகுதியில் பிப்ரவரி 27-ம் தேதி இடைத்தேர்தல் நடக்கவுள்ளது. இத்தேர்தலில் போட்டியிட கடந்த மாதம் 31-ம் தேதி வேட்புமனு தாக்கல் தொடங்கியது. தேமுதிக, நாம் தமிழர் மற்றும் சுயேச்சை வேட்பாளர்கள் உள்ளிட்ட 20 பேர் நேற்று (ஜன.2) வரை வேட்புமனு தாக்கல் செய்துள்ளனர்.

இந்நிலையில், பாஜக மாநில தலைவர் அண்ணாமலை, இன்று (பிப்.3) காலை முன்னாள் முதல்வர் ஓ.பன்னீர்செல்வத்தை சந்தித்து பேசி வருகிறார். அவருடன் பாஜக மேலிட பொறுப்பாளர் சி.டி.ரவி, மூத்த தலைவர் கரு.நாகராஜன், ஓபிஎஸ் அணி மூத்த தலைவர்கள் ஜெ.சி.டி.பிராபகர், வைத்திலிங்கம் ஆகியோர் உடன் இருந்தனர்.

முன்னதாக அண்ணாமலை, எடப்பாடி பழனிசாமியை சந்தித்துப் பேசினார். இதனைத் தொடர்ந்து பேசுகையில், இன்னும் 1 மணி நேரத்தில் செய்தியாளர்களை சந்திப்பதாக பாஜக தலைவர் அண்ணாமலை தெரிவித்தார்.