கரூர் | டாஸ்மாக் வசூலில் சிறப்பான பணியை பாராட்டி சான்றிதழ்

கரூர்: கரூரில் நேற்று நடைபெற்ற குடியரசு தினவிழாவில் ஆட்சியர் பிரபுசங்கர் தேசியக்கொடியை ஏற்றிவைத்து பல்வேறு துறைகளில் சிறப்பாக பணியாற்றிய அலுவலர்களுக்கு கேடயமும், பாராட்டு சான்றிதழும் வழங்கினார்.

இதில் டாஸ்மாக் மாவட்ட மேலாளர் சண்முக வடிவேல், மேற்பார்வையாளர்கள் சிவகுமார், ஆறுமுகம், விற்பனையாளர் கிருஷ்ணமூர்த்தி ஆகிய 4 பேருக்கு கேடயமும், பாராட்டு சான்றிதழும் வழங்கப்பட்டது. மாவட்டத்தில் டாஸ்மாக் நிர்வாகத்துக்கு வருவாய் ஈட்டும் பணியை சிறப்பாக மேற்கொண்டதை பாராட்டி வழங்கப்படுவதாக பாராட்டு சான்றிதழில் குறிப்பிடப்பட்டுள்ளது. இதற்கு சமூக வலைதளங்களில் விமர்சனம் எழுந்துள்ளது.