கடலோர மாவட்டங்களில் 4 நாட்கள் மழை வாய்ப்பு

சென்னை: சென்னை வானிலை ஆய்வுமைய இயக்குநர் பா.செந்தாமரைகண்ணன் வெளியிட்ட அறிக்கையில் கூறியிருப்பதாவது: கிழக்கு திசை காற்றின் வேகமாறுபாடு காரணமாக, 3-ம் தேதி தமிழக கடலோர மாவட்டங்கள், புதுச்சேரி மற்றும் காரைக்கால் பகுதிகளிலும், 4, 5, 6-ம் தேதிகளில் கடலோர மாவட்டங்கள் மற்றும் அதனை ஒட்டிய மாவட்டங்களிலும் ஓரிரு இடங்களில் மிதமான மழை பெய்யக் கூடும்.

சென்னை, புறநகர் பகுதிகளில்வானம் ஓரளவு மேகமூட்டத்துடன் காணப்படும். நகரின் ஓரிரு இடங்களில் லேசான மழை பெய்யக் கூடும்.

2-ம் தேதி காலை 8.30 மணியுடன் நிறைவடைந்த 24 மணி நேரத்தில் மிகக் குறைந்த அளவாக கொடைக்கானலில் 6.5 டிகிரி, ஊட்டியில் 7 டிகிரி,குன்னூரில் 10.4 டிகிரி, ஏற்காட் டில் 12 டிகிரி செல்சியஸ் குளிர் பதிவானது.