சென்னை - ராமேசுவரம் ரயில் சேவையில் மாற்றம்

சென்னை: பாம்பன் பாலத்தில் நடைபெறும் பொறியியல் பணி காரணமாக, சென்னை - ராமேசுவரம் இடையே இயக்கப்படும் விரைவு ரயில் சேவை ஜன.10 வரை மாற்றம் செய்யப்பட்டுள்ளது.

சென்னை எழும்பூர்- ராமேசுவரம் இடையேஜன. 9-ம் தேதி வரை இயக்கப்படும் விரைவுரயில்கள் (22661, 16851), மண்டபம் ராமேசுவரம் இடையே பகுதி ரத்து செய்யப்படவுள்ளது.

ராமேசுவரம் - சென்னை எழும்பூருக்கு ஜன. 10-ம் தேதி வரை இயக்கப்படும் விரைவுரயில்கள் (22662, 16849), ராமேசுவரம் - மண்டபம் இடையே பகுதி ரத்து செய்யப்படவுள்ளன. இதுதவிர, 25 ரயில்களின் சேவையில் மாற்றம் செய்யப்படவுள்ளன எனதெற்கு ரயில்வே அறிவித்துள்ளது.