Rewind 2022 | சென்னை உயர் நீதிமன்றத்தில் ஓராண்டில் 11 நீதிபதிகள் ஓய்வு

சென்னை உயர் நீதிமன்றத்தில் 2022-ம் ஆண்டில் 11 நீதிபதிகள் ஓய்வு பெற்றுள்ளனர். மூத்த நீதிபதிகளின் பணி ஓய்வு, நீதிபதிகளை மத்திய அரசே நியமிக்க வகை செய்யும் நடைமுறை தொடர்பான காரணங்களால், சென்னை உயர் நீதிமன்றத்திற்கு தலைமை நீதிபதி நியமிக்கப்படாமல், பொறுப்பு தலைமை நீதிபதிகளை நியமித்து வழக்குகள் விசாரிக்கப்பட்டு வருகிறது.

இந்தியாவில் உள்ள பழமை வாய்ந்த 3 நீதிமன்றங்களில் சென்னை உயர் நீதிமன்றமும் ஒன்று. பிரிட்டிஷ் ஆட்சிக் காலத்தில், 1862-ம் ஆண்டு விக்டோரியா மஹாராணி உத்தரவின்பேரில் மாகாணங்களில் உருவாக்கப்பட்ட 3 நீதிமன்றங்களில் சென்னை உயர் நீதிமன்றமும் ஒன்று. வரலாற்று முக்கியத்துவம் வாய்ந்த பல வழக்குகளில் சென்னை உயர் நீதிமன்றம் தீர்ப்பளித்துள்ளது.