ரஜினிகாந்த் பிறந்தநாள்: அரசியல் கட்சித் தலைவர்கள் வாழ்த்து

சென்னை: நடிகர் ரஜினிகாந்துக்கு பல்வேறு அரசியல் கட்சி தலைவர்கள் வாழ்த்து தெரிவித்துள்ளனர்.

நடிகர் ரஜினிகாந்த் இன்று தனது 73வது பிறந்தநாளைக் கொண்டாடுகிறார். இதனை ஒட்டி பல்வேறு அரசியல் கட்சி தலைவர்களும் அவருக்கு பிறந்தநாள் வாழ்த்து தெரிவித்துள்ளனர். அதன் விவரம்:

எதிர்க்கட்சி தலைவர் எடப்பாடி பழனிசாமி: அன்பு சகோதரர் ரஜினிகாந்துக்கு எனது இனிய பிறந்தநாள் நல்வாழ்த்துக்கள்.ரஜினிகாந்த் நீண்ட ஆயுளோடும் நல் ஆரோக்கியத்துடனும் வாழ இறைவனை பிரார்த்திக்கிறேன்.

பாஜக தலைவர் அண்ணாமலை: இந்திய சினிமாவின் சூப்பர் ஸ்டாருக்கு பிறந்தநாள் வாழ்த்துகள்.நல்ல உடல் நலத்துடன் நீண்ட நாள் வாழ பிரார்த்திக்கிறேன்.

பாமக தலைவர் அன்புமணி ராமதாஸ்: இன்று 73-ஆவது பிறந்தநாள் காணும் புகழ்பெற்ற நடிகர் ரஜினிகாந்துக்க எனது இனிய பிறந்தநாள் நல்வாழ்த்துகள். அவர் நல்ல உடல்நலத்துடன் நூறாண்டுகள் வாழவேண்டும் என்று வாழ்த்துகிறேன்.

மநீம தலைவர் நடிகர் கமல்ஹாசன்: அன்பு நண்பர் சூப்பர் ஸ்டார் ரஜினிகாந்துக்கு மனமார்ந்த பிறந்தநாள் வாழ்த்துகள். உங்கள் வெற்றிப் பயணம் தொடர இச்சிறந்த நாளில் வாழ்த்துகிறேன்.