சேலம் - கோவை பயணிகள் ரயில் சேவை டிச.31 வரை ரத்து

சேலம்: சேலம்- கோவை பயணிகள் ரயில் சேவை இரு மார்க்கத்திலும் வரும் 31-ம் தேதி வரை ரத்து செய்யப்படுவதாக சேலம் ரயில்வே கோட்டம் அறிவித்துள்ளது.

சேலம்- கோவை இடையிலான ரயில் பாதையில், வஞ்சிபாளையம்- சோமனூர் இடையே பொறியியல் பணிகள் மேற்கொள்ளப்படுகின்றன.

இதன் காரணமாக, சேலம்- கோவை பயணிகள் ரயில் (எண்.06803) மற்றும் கோவை- சேலம் பயணிகள் ரயில் (எண்.06802) ஆகியவற்றின் சேவை நேற்று தொடங்கி, வரும் 31-ம் தேதி வரை ரத்து செய்யப்படுவதாக, சேலம் ரயில்வே கோட்டம் அறிவித்துள்ளது.