திமுக தலைவர் பதவி: முதல்வர் மு.க.ஸ்டாலின் வேட்புமனு தாக்கல்

சென்னை: திமுக தலைவர் பதவிக்கு முதல்வர் மு.க.ஸ்டாலின் இன்று வேட்புமனு தாக்கல் செய்தார்.

திமுக தலைவர், பொதுச் செயலாளர், பொருளாளர் ஆகியோருக்கான தேர்தலும், தணிக்கைக் குழு உறுப்பினர்களுக்கானத் தேர்தல் தொடர்பான மற்றும் திமுகவின் 15வது பொதுத் தேர்தலில் புதியதாக தேர்ந்தெடுக்கப்பட்ட பொதுக்குழு உறுப்பினர்களின் கூட்டம் 9ம் தேதி சென்னை அமைந்தகரை, பச்சையப்பன் கல்லூரி எதிரில் உள்ள "செயின்ட் ஜார்ஜ் பள்ளி விங்க்ஸ் கன்வென்ஷன் சென்டரில் நடைபெறுகிறது.

‘இதில் திமுக தலைவர், பொதுச் செயலாளர், பொருளாளர் ஆகியோரை தேர்ந்தெடுக்கும் தேர்தல் நடைபெற உள்ளது. இந்நிலையில் திமுக தலைவர் பதவிக்கு முதல்வர் மு.க.ஸ்டாலின் இன்று வேட்புமனு தாக்கல் செய்தார். அண்ணா அறிவாலயத்தில் திமுக அமைப்புச் செயலாளர் ஆர்.எஸ்.பாரதியிடம் முதல்வர் மு.க.ஸ்டாலின் வேட்புமனு தாக்கல் செய்தார். இதற்கு முன்பாக கருணாநிதி மற்றும் அண்ணா நினைவிடங்களில் அஞ்சலி செலுத்தினார்.