ஓணம் பண்டிகையை முன்னிட்டு கோவை வழியாக 6 சிறப்பு ரயில்கள் இயக்கம்

ஓணம் பண்டிகையை முன்னிட்டு கோவை வழியாக 6 சிறப்பு ரயில்கள் இயக்கப்பட உள்ளன.

சேலம் கோட்ட ரயில்வே அலுவலகம் வெளியிட்ட செய்திக் குறிப்பில் கூறியிருப்பதாவது: ஓணம் பண்டிகையை முன்னிட்டு பயணிகள் நெரிசலை தவிர்க்கும் வகையில், திருவனந்தபுரம்-ஹைதராபாத் இடையிலான சிறப்பு ரயில்(எண்:07120), வரும் 10-ம் தேதி இரவு 10 மணிக்கு திருவனந்தபுரத்திலிருந்து புறப்பட்டு, 12-ம் தேதி அதிகாலை 3 மணிக்கு ஹைதராபாத் சென்றடையும்.

இந்த ரயில், கோவை, திருப்பூர், ஈரோடு,சேலம், ஜோலார்பேட்டை, காட்பாடி ரயில்நிலையங்களில் நின்று செல்லும்.

கர்நாடக மாநிலம் யஷ்வந்த்பூர்- கேரள மாநிலம் கொல்லம்இடையிலான சிறப்பு ரயில் (எண்:06501), யஷ்வந்த்பூரிலிருந்து வரும் 7-ம் தேதி (நாளை) பிற்பகல் 1 மணிக்கு புறப்பட்டு மறுநாள் அதிகாலை 4.30 மணிக்கு சென்றடையும். மறுமார்க்கத்தில், கொல்லம்-யஷ்வந்த்பூர் இடையிலான சிறப்பு ரயில் (எண்:06502), கொல்லத்திலிருந்து வரும் 8-ம் தேதி காலை 6.10 மணிக்கு புறப்பட்டு, மறுநாள் இரவு 10 மணிக்கு யஷ்வந்த்பூர் சென்றடையும்.

இந்த ரயில்கள், கோவை, திருப்பூர், ஈரோடு, சேலம், கிருஷ்ணராஜபுரம் ரயில்நிலையங்களில் நின்றுசெல்லும்.சென்னை சென்ட்ரல்-எர்ணா குளம் இடையிலான சிறப்புரயில்(எண்:06053), சென்னை சென்ட்ரலில் இருந்து 7-ம் தேதி இரவு 11.30 மணிக்கு புறப்பட்டு, மறுநாள் அதிகாலை 12.15 மணிக்கு எர்ணாகுளம் சென்றடையும். மறுமார்க்கத்தில், எர்ணாகுளம்-சென்னை சென்ட்ரல்இடையிலான சிறப்பு ரயில் (எண்:06054), எர்ணாகுளத்திலிருந்து வரும் 9-ம் தேதி பிற்பகல் 2.20 மணிக்கு புறப்பட்டு, மறுநாள் அதிகாலை 4 மணிக்கு சென்னை சென்ட்ரல் ரயில்நிலையம் சென்றடையும். இந்த ரயில், கோவை, திருப்பூர், ஈரோடு, சேலம், காட்பாடி,அரக்கோணம் ரயில்நிலையங்களில் நின்று செல்லும்.

திருநெல்வேலி-பெங்களூரு கன்டோன்மென்ட் இடையிலான சிறப்பு ரயில் (எண்:06052), திருநெல்வேலியிலிருந்து வரும் 10-ம் தேதி காலை 8 மணிக்கு புறப்பட்டு, மறுநாள்அதிகாலை 4 மணிக்கு பெங்களூரு கன்டோன்மென்ட் ரயில்நிலையம் சென்றடையும். இந்த ரயில், கோவை, திருப்பூர், ஈரோடு, சேலம், பங்காருபேட், கிருஷ்ணராஜபுரம் ரயில்நிலையங்களில் நின்று செல்லும். இவ்வாறு அதில் தெரிவிக்கப்பட்டுள்ளது.