‘அக்னிபத்’ திட்டத்தின் கீழ் ராணுவத்தில் சேர 11 மாவட்ட இளைஞர்களுக்கு அழைப்பு

சென்னை: அக்னிபத் திட்டத்தின் கீழ், ராணுவத்துக்கு வீரர்களை தேர்வு செய்வதற்கான ஆள்சேர்ப்பு முகாம் வேலூரில் நவம்பர் 15-ம் தேதி முதல் 25-ம் தேதி வரை நடக்கிறது.

இதில், சென்னை, திருவள்ளூர், காஞ்சிபுரம், செங்கல்பட்டு, கடலூர், வேலூர், திருப்பத்தூர், ராணிப்பேட்டை, திருவண்ணாமலை, விழுப்புரம், கள்ளக்குறிச்சி ஆகிய11 மாவட்டங்கள் மற்றும் புதுச்சேரி யூனியன் பிரதேசத்துக்கு உட்பட்ட புதுச்சேரி மாவட்டத்தை சேர்ந்த இளைஞர்கள் பங்கேற்கலாம்.

8, 10-ம் வகுப்பு தேர்ச்சி பெற்றவர்கள், அவரவர் தகுதிக்கேற்ற பணிகளுக்கு விண்ணப்பிக்கலாம். www.joinindianarmy.nic.in என்ற இணையதளம் மூலம், ஆகஸ்ட் 5 முதல் செப்டம்பர் 3-ம் தேதிக்குள் பெயரைபதிவு செய்யவேண்டும்.

மேலும் விவரங்களுக்கு ஆள்சேர்ப்பு அலுவலகம் (தலைமையகம்), புனிதஜார்ஜ் கோட்டை வளாகம், சென்னை 600 009 என்றமுகவரியிலோ, 044–2567 4924 என்ற தொலைபேசி எண்ணிலோ தொடர்பு கொள்ளலாம் என சென்னைராணுவ ஆள்சேர்ப்பு அலுவலகம் தெரிவித்துள்ளது.