நீலகிரி, கோவை உள்ளிட்ட 5 மாவட்டங்களில் கனமழை

சென்னை: சென்னை வானிலை ஆய்வு மைய இயக்குநர் பா.செந்தாமரைக் கண்ணன் வெளியிட்ட செய்திக்குறிப்பில் கூறியிருப்பதாவது.

வட தமிழகம், தேனி, திண்டுக்கல், தென்காசி, நெல்லை, குமரி ஆகிய மாவட்டங்கள், புதுச்சேரி மற்றும் காரைக்கால் பகுதிகளில் ஓரிரு இடங்களில் 15-ம் தேதி இடி, மின்னலுடன் லேசான மழை பெய்யக்கூடும். நீலகிரி,கோவை, தேனி, திண்டுக்கல் மற்றும் தென்காசி மாவட்டங்களில் ஓரிரு இடங்களில் கனமழை பெய்யவும் வாய்ப்புள்ளது.

கூடலூர் சந்தையில் 23 செ.மீ மழை

சென்னையில் ஒருசில பகுதிகளில் மிதமான மழை பெய்யக்கூடும். 14-ம் தேதி காலை 8.30 மணியுடன் நிறைவடைந்த 24 மணி நேரத்தில் நீலகிரி மாவட்டம் கூடலூர் சந்தையில் 23 செமீ, மேல் கூடலூரில் 22 செமீ, அவலாஞ்சியில் 19 செமீ, மேல் பவானியில் 18 செமீ, தேவாலாவில் 16 செமீ. மழை பதிவாகியுள்ளது.