கோவை - சென்னை சென்ட்ரல் ரயில் பகுதியளவு ரத்து

கோவை: பராமரிப்புப் பணி காரணமாக கோவை-சென்னை சென்ட்ரல் ரயில் பகுதியளவு ரத்து செய்யப்பட்டுள்ளது. இதுதொடர்பாக சேலம் கோட்ட ரயில்வே அலுவலகம் வெளியிட்ட செய்திக்குறிப்பில், ‘திருவாலங்காடு-அரக்கோணம் ரயில் நிலையங்களுக்கு இடைப்பட்ட திருவள்ளூர்-அரக்கோணம் தடத்தில் பராமரிப்புப் பணிகள் நடைபெற்று வருகின்றன.

எனவே, கோவையிலிருந்து மே 18, 24, 25, 31 மற்றும் ஜூன் 1, 7, 8 ஆகிய தேதிகளில் காலை 6.15 மணிக்கு சென்னை சென்ட்ரல் புறப்பட்டுச் செல்லும் இன்டர்சிட்டி எக்ஸ்பிரஸ் ரயில் (12680), காட்பாடி வரை மட்டுமே இயக்கப்படும். காட்பாடி-சென்னை சென்ட்ரல் இடையே இந்த ரயில் இயக்கப்படாது. இதேபோல, சென்னை சென்ட்ரலில் இருந்து மே 18, 24, 25, 31, ஜூன் 1, 7, 8 ஆகிய தேதிகளில் பிற்கல் 2.30 மணிக்கு கோவை புறப்பட வேண்டிய இன்டர்சிட்டி எக்ஸ்பிரஸ் ரயில் (12679), காட்பாடியிலிருந்து மாலை 4.20 மணிக்கு புறப்பட்டு கோவை ரயில்நிலையம் வந்தடையும். சென்னை சென்ட்ரல்-காட்பாடி இடையே இந்த ரயில் இயக்கப்படாது’ என்று தெரிவிக்கப்பட்டுள்ளது.