காலை 5 மணி முதல் மெட்ரோ ரயில் சேவை: சென்னையில் இன்று முதல் அமலுக்கு வருகிறது

சென்னை: சென்னை மெட்ரோ ரயில் நிறுவனம் நேற்று வெளியிட்டுள்ள செய்திக்குறிப்பில் கூறியிருப்பதாவது:

சென்னை மெட்ரோ ரயில் நிறுவனம் பொதுமக்கள், பயணிகள் நலனைக் கருத்தில் கொண்டு இன்று முதல் (17-ம் தேதி) அதிகாலை 5 மணி முதல் இரவு 11 மணி வரையில் மெட்ரோ ரயில்கள் இயக்கப்படும். வழக்கம்போல் நெரிசல்மிகுந்த நேரங்களில் காலை 8 மணி முதல் 11 மணி வரையிலும், மாலை 5 மணி முதல் இரவு 8 மணி வரையிலும் 5 நிமிட இடைவெளியில் ரயில்கள் இயக்கப்படும். மற்ற நேரங்களில் 10 நிமிட இடைவெளியில் மெட்ரோ ரயில்கள் இயக்கப்படும். இரவு 10 மணி முதல் இரவு 11 மணி வரையில் 15 நிமிட இடைவெளியில் ரயில்கள் இயக்கப்படும்.

அதுபோல், மெட்ரோ ரயில் சேவைகள் அனைத்து ஞாயிற்றுக்கிழமைகள் மற்றும் அரசு பொது விடுமுறை நாட்களில் காலை 5 மணி முதல் இரவு 10 மணி வரையில் 10 நிமிட இடைவெளியிலும், இரவு 10 மணி முதல் இரவு 11 மணி வரையில் 15 நிமிட இடைவெளியிலும் இயக்கப்படும்.