நகர்ப்புற உள்ளாட்சிகளில் துணை மேயர் உள்ளிட்ட பதவிகளுக்கு மதிமுக, மார்க்சிஸ்ட், விசிக வேட்பாளர் பட்டியல் வெளியீடு

சென்னை: மதிமுக, மார்க்சிஸ்ட், விடுதலைச் சிறுத்தைகள் சார்பில் நகர்ப்புற உள்ளாட்சிகளில் மறைமுக தேர்தலில் போட்டியிடும் வேட்பாளர்கள் பட்டியல் வெளியிடப்பட்டுள்ளது.

மதிமுக பொதுச் செயலாளர் வைகோ நேற்று வெளியிட்ட அறிக்கை: திருவள்ளூர் மாவட்டம் ஆவடி மாநகராட்சி துணை மேயர் பதவிக்கு எஸ்.சூரியகுமார் போட்டியிடுகிறார். மற்ற வேட்பாளர்கள் விவரம்:நகராட்சித் தலைவர்: செங்கல்பட்டு மாவட்டம் மாங்காடு - சுமதி முருகன். நகராட்சி துணைத் தலைவர்: ராமநாதபுரம் மாவட்டம் பரமக்குடி - கேஏஎம் குணா, தூத்துக்குடி மாவட்டம் கோவில்பட்டி - ஆர்.எஸ்.ரமேஷ், கரூர் மாவட்டம் குளித்தலை - கே.கணேசன்.

பேரூராட்சித் தலைவர்: தென்காசி மாவட்டம் திருவேங்கடம் - த.பாலமுருகன், தஞ்சாவூர் மாவட்டம் ஆடுதுறை - இரா.சரவணன், ஈரோடு மாவட்டம் சென்னசமுத்திரம் - கு.பத்மா. பேரூராட்சிதுணைத் தலைவர்: திண்டுக்கல் மாவட்டம் பாளையம் - வி.லதா, ஈரோடு மாவட்டம் அவல்பூந்துறை - லோ.சோமசுந்தரம், அரச்சலூர் - ச.துளசிமணி.

மார்க்சிஸ்ட் வேட்பாளர்கள்

மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே.பாலகிருஷ்ணன் நேற்று வெளியிட்ட அறிக்கை:

மார்க்சிஸ்ட் கம்யூனிஸ்ட் கட்சி சார்பில் திமுகவுடன் உடன்பாடு ஏற்பட்டுள்ள இடங்களில் போட்டியிடும் வேட்பாளர்கள் விவரம்:

மதுரை மாநகராட்சி துணை மேயர் - டி.நாகராஜன். நகராட்சித் தலைவர்கள்: திருப்பூர் மாவட்டம் திருமுருகன்பூண்டி - பி.சுப்பிரமணியம், கன்னியாகுமரி மாவட்டம் கொல்லங்கோடு - ஆர்.லலிதா. நகராட்சி துணைத் தலைவர்: திருவாரூர் மாவட்டம் திருத்துறைப்பூண்டி - எஸ்.ராமலோக ஈஸ்வரி, கடலூர் மாவட்டம் சிதம்பரம் - முத்துக்குமரன், திண்டுக்கல் மாவட்டம் பழநி - கே.கந்தசாமி.

பேரூராட்சி தலைவர்: கோவை மாவட்டம் பெரியநாயக்கன்பாளையம் - என்.சிவராஜன். பேரூராட்சி துணைத் தலைவர்: திருநெல்வேலி மாவட்டம் வீரவநல்லூர் - பெ.கீதா, ஈரோடு மாவட்டம் அந்தியூர் - எஸ்.கீதா, திண்டுக்கல் மாவட்டம் வடமதுரை - எம்.மலைச்சாமி, திருச்சி மாவட்டம் தொட்டியம் - ரா.கலைச்செல்வி, தேனி மாவட்டம் பண்ணைபுரம் - எஸ்.சுருளிவேல், புதுக்கோட்டை மாவட்டம் கீரனூர் - எம்.மகாலட்சுமி, திருப்பூர் மாவட்டம் தளி - ஜி.செல்வன், நீலகிரி மாவட்டம் தேவர்சோலை - எ.வி.ஜோஸ்.

திருமாவளவன் நன்றி

சென்னையில் விடுதலை சிறுத்தைகள் கட்சியின் வேட்பாளர்கள் பட்டியலை கட்சித் தலைவர் திருமாவளவன் வெளியிட்டார். அதன் விவரம்:

கடலூர் மாநகராட்சி துணை மேயர் -தாமரைச்செல்வன். நகராட்சி தலைவர்கள்: ஜெயங்கொண்டம் - சுமதி சிவக்குமார், நெல்லிக்குப்பம் - கிரிஜா திருமாறன். நகராட்சி துணை தலைவர்கள்: திண்டிவனம் - ராஜலட்சுமி வெற்றிவேல், பெரியகுளம் - பிரேம்குமார், ராணிப்பேட்டை - சீ.மா.ரமேஷ்கர்ணா. பேரூராட்சி தலைவர்கள்: பெண்ணாடம் - அமுதலட்சுமி ஆற்றலரசு, காடையாம்பட்டி - குமார், பொ.மல்லாபுரம் - சின்னவேடி. துணைத் தலைவர்கள்: கடத்தூர் - வினோத், திருப்போரூர் - பாரதிசமரன், புவனகிரி - லலிதா, கொளத்தூர் - கோவிந்தம்மாள் அம்மாசி, வேப்பத்தூர் - பொன்.கி.காமராஜ், அனுமந்தன்பட்டி - ஆரோக்கியசாமி, ஓவேலி - சகாதேவன். இவ்வாறு அதில் கூறப்பட்டுள்ளது.

பின்னர், செய்தியாளர்களிடம் பேசிய திருமாவளவன், ‘‘கடலூர் மாநகராட்சி மேயர்பதவி, 9 துணை மேயர்பதவிகள் கேட்டோம். கடலூர்மாநகராட்சி துணை மேயர் பதவி ஒதுக்கப்பட்டுள்ளது. ஒரு துணை மேயர் உட்பட16 பதவிகளை ஒதுக்கியதற்காக முதல்வருக்கு நன்றி. இத்தேர்தல் தோல்வியால் அதிமுக வாக்குவங்கி சரிந்துவிட்டது என கூற முடியாது’’ என்றார்.