தேர்தல் ஆணையம் சார்பில் தேசிய வாக்காளர் விழிப்புணர்வு போட்டிகள்: அனைவரும் பங்கேற்க தமிழக தலைமை தேர்தல் அதிகாரி அழைப்பு

சென்னை: இந்திய தேர்தல் ஆணையம் சார்பில் நடத்தப்படும் தேசிய வாக்காளர் விழிப்புணர்வு போட்டியில் அனைவரும் பங்கேற்கும்படி, தமிழக தலைமை தேர்தல் அதிகாரி சத்யபிரத சாஹூ அழைப்பு விடுத்துள்ளார்.

இதுகுறித்து அவர் நேற்று வெளியிட்ட செய்திக்குறிப்பு:

5 பிரிவுகளில் போட்டி

இந்தியத் தேர்தல் ஆணையம்,ஒவ்வொரு வாக்கின் முக்கியத்துவத்தையும் வலியுறுத்துவதற்காக 2022-ம் ஆண்டு தேசிய வாக்காளர் தினத்தை முன்னிட்டு, “எனது வாக்கு - எனது எதிர்காலம் - ஒரு வாக்கின் வலிமை’’ என்ற கருப்பொருளை மையமாகக் கொண்டு தேசிய வாக்காளர் விழிப்புணர்வுப் போட்டியை தொடங்கியுள்ளது.

ஐந்து பிரிவுகளைக் கொண்டஇப்போட்டிக்கான விண்ணப்பங் கள் மார்ச் 15-ம் தேதி வரை ஏற்றுக்கொள்ளப்படும். இதில் அனைத்து வயதினரும் பங்கேற்கலாம். மக்களாட்சியில் ஒவ்வொரு வாக்கும் முக்கியமானது என்ற கருப்பொருளை மையமாகக் கொண்டு மக்களின் ஏராளமான படைப்புகளை வரவேற்கிறது.

தேசிய அளவிலான போட்டியில், விநாடி-வினா போட்டி, வாசகம் எழுதும் போட்டி, பாட்டுப் போட்டி, காணொலி காட்சி உருவாக்கும் போட்டி மற்றும் விளம்பரப் பட வடிவமைப்புப் போட்டி என ஐந்து பிரிவுகள் உள்ளன.

போட்டியில் பங்கேற்க விரும்புபவர்கள் போட்டியின் விரிவான வழிகாட்டுதல்கள், விதிமுறைகள் மற்றும் நிபந்தனைகளை ‘https://ecisveep.nic.in/contest/’ என்ற இணையதளத்தில் காணலாம். போட்டிகள் தொடர்பான பதிவுகள் விவரங்களை, ‘voter-contest@eci.gov.in’ என்ற மின்னஞ்சல் முகவரிக்கு அனுப்ப வேண்டும். விநாடி- வினா போட்டியில் பங்கேற்க விரும்புவோர் போட்டிக்கான வலை தளத்தில் பதிவு செய்யலாம்.

இவ்வாறு அவர் தெரிவித் துள்ளார்.