மண் சரிவால் மேட்டுப்பாளையம் - உதகை மலை ரயில் சேவை டிச.21 வரை ரத்து

ரயில் வழித்தடத்தில் ஏற்பட்டுள்ள மண் சரிவால் மேட்டுப்பாளையம்- உதகை இடையிலான ரயில் சேவை டிசம்பர் 21-ம் தேதி வரை ரத்து செய்யப்பட்டுள்ளது.

இதுகுறித்து சேலம் கோட்ட ரயில்வே அலுவலகம் வெளியிட்ட செய்திக்குறிப்பில், “நீலகிரி மலைப் பகுதியில் பெய்யும் தொடர் மழையால் பல இடங்களில் நிலச்சரிவு ஏற்பட்டுள்ளது.

குறிப்பாக கல்லார் - குன்னூர் இடையேயான வழித்தடத்தில் மண் சரிந்துள்ளது. மரங்களும் விழுந்துள்ளன. இவற்றைச் சரிசெய்யும் பணி நடப்பதால் மேட்டுப்பாளையம் - உதகை சிறப்பு ரயில் சேவை வரும் 21-ம் தேதி வரை ரத்து செய்யப்படுகிறது.

இது, மறுமார்க்கத்திலும் பொருந்தும். இருப்பினும், குன்னூர்-உதகை இடையேயான ரயில் சேவை வழக்கம் போல் இயங்கும்" என்று தெரிவிக்கப்பட்டுள்ளது.