தமிழக பட்ஜெட் 2021: சமூக பாதுகாப்பு ஓய்வூதியங்களுக்கு ரூ. 4,807.0 கோடி ஒதுக்கீடு

சமூக பாதுகாப்பு ஓய்வூதியங்களுக்கு 4,807.0 கோடி ரூபாய் ஒதுக்கப்பட்டுள்ளதாக, நிதியமைச்சர் பழனிவேல் தியாகராஜன் தெரிவித்துள்ளார்.

முதல்வர் ஸ்டாலின் தலைமையிலான திமுக அரசின் முதல் பட்ஜெட்டை நிதியமைச்சர் பழனிவேல் தியாகராஜன் சென்னை கலைவாணர் அரங்கில் இன்று (ஆக. 13) காலை 10 மணிக்கு இ-பட்ஜெட்டாக தாக்கல் செய்து உரையாற்றினார்.

அதன் சிறப்பம்சங்கள்:

* அனைத்து தகுதிவாய்ந்த முதியோருக்கும் ஓய்வூதியம் வழங்கப்படும்.

* சமூக பாதுகாப்பு ஓய்வூதியங்களுக்கு 4,807 கோடி ரூபாய் ஒதுக்கீடு செய்யப்பட்டுள்ளது.

* நிலம் தொடர்பான பிரச்சினைகளை தீர்க்க நவீன நில ஆய்வு மேற்கொள்ளப்படும்.

* பேரிடர்களை கண்டறிந்து விளைவுகளை குறைக்கக்கூடிய ஒருங்கிணைந்த அணுகுமுறை செயல்படுத்தப்படும்.

* வெள்ளத் தடுப்பு செயல்பாடுகள் விரைவாக செயல்படுத்தப்படும்.