ஜூலை 19 வரை ஊரடங்கு நீட்டிப்பு: எவை எவைக்குத் தடை?- முழு விவரம்

தமிழகத்தில் ஜூலை 19 வரை தளர்வுகளுடன் கூடிய ஊரடங்கை அமல்படுத்துவதாக தமிழக முதல்வர் ஸ்டாலின் அறிவித்துள்ளார். இதில் எவை எவைக்குத் தடை என்ற விவரம் வெளியாகியுள்ளது.

இதுகுறித்து தமிழக முதல்வர் ஸ்டாலின் இன்று வெளியிட்ட அறிவிப்பு:

''மாநிலத்தின் கரோனா நோய்த் தொற்று நிலையைக் கண்காணித்து தொடர்ந்து கட்டுப்படுத்த வேண்டிய அவசியத்தைக் கருத்தில் கொண்டு அனைத்து மாவட்டங்களிலும் கீழ்க்கண்ட செயல்பாடுகளுக்கு 12-7-2021 முதல் 19-7-2021 காலை 6.00 மணி வரை தொடர்ந்து தடை விதிக்கப்படுகிறது.

· மாநிலங்களுக்கிடையே தனியார் மற்றும் அரசுப் பேருந்து போக்குவரத்து (புதுச்சேரி நீங்கலாக)

· மத்திய உள்துறை அமைச்சகத்தால் அனுமதிக்கப்பட்ட வழித்தடங்களைத் தவிர, சர்வதேச விமானப் போக்குவரத்து

· திரையரங்குகள் செயல்படத் தடை

· அனைத்து மதுக்கூடங்கள் திறக்கத் தடை

· நீச்சல் குளங்கள் செயல்படத் தடை

· பொதுமக்கள் கலந்துகொள்ளும் சமுதாயம், அரசியல் சார்ந்த கூட்டங்கள் நடத்தத் தடை

· பொழுதுபோக்கு, விளையாட்டு, கலாச்சார நிகழ்வுகள் நடத்தத் தடை

· பள்ளிகள் மற்றும் கல்லூரிகள் இயங்கத் தடை

· உயிரியல் பூங்காக்கள் திறக்கத் தடை

· நோய்த் தொற்றைக் கட்டுப்படுத்தும் விதமாக திருமண நிகழ்வுகளில் 50 நபர்கள் மட்டுமே அனுமதிக்கப்படுவர்.

· இறுதிச் சடங்குகளில், 20 நபர்கள் மட்டுமே அனுமதிக்கப்படுவர்''.

இவ்வாறு ஊரடங்கில் மேற்கண்ட தடைகள் தொடரும் என முதல்வர் ஸ்டாலின் தெரிவித்துள்ளார்.