உங்கள் தொகுதியில் முதலமைச்சர் பிரிவு சிறப்பு அதிகாரிக்குக் கூடுதல் பொறுப்பு: அரசு கேபிள் டிவி இயக்குநர் நியமனம்

2 ஐஏஎஸ் அதிகாரிகளை இடமாற்றம் செய்து தமிழக அரசு உத்தரவிட்டுள்ளது. உங்கள் தொகுதியில் முதலமைச்சர் தனிப்பிரிவு சிறப்பு அதிகாரிக்குக் கூடுதல் பொறுப்பு வழங்கப்பட்டுள்ளது.

இதுகுறித்து தலைமைச் செயலர் இறையன்பு இன்று பிறப்பித்த உத்தரவு:

''உங்கள் தொகுதியில் முதலமைச்சர் சிறப்பு அதிகாரி ஷில்பா பிரபாகர் சதீஷுக்குக் கூடுதல் பொறுப்பாக முதலமைச்சர் தனிப் பிரிவின் சிறப்பு அதிகாரி பொறுப்பும், குறைதீர் மற்றும் இ-ஆளுமைப் பிரிவு கூடுதல் பொறுப்பும் ஒதுக்கப்பட்டுள்ளது.

செய்தி மற்றும் மக்கள் தொடர்புத்துறை இயக்குநர் ஜெயசீலனுக்குக் கூடுதல் பொறுப்பாக அரசு கேபிள் டிவி நிறுவனத்தின் மேலாண் இயக்குநர் பதவி வழங்கப்பட்டுள்ளது''.

இவ்வாறு அந்த உத்தரவில் தெரிவிக்கப்பட்டுள்ளது.