தமிழகத்தில் பிச்சைக்காரர்களைக் கட்டுப்படுத்தக் கோரிய வழக்கில் சமூக நலத்துறை செயலர் பதிலளிக்க உயர் நீதிமன்றம் உத்தரவிட்டுள்ளது.
சென்னையைச் சேர்ந்த நடராஜன், உயர் நீதிமன்ற கிளையில் தாக்கல் செய்த மனு:
சென்னை, கோவை, மதுரை, நெல்லையில் பிச்சைக்காரர்கள் எண்ணிக்கை அதிகரித்து வருகின்றனர். போக்குவரத்து நெரிசல் மிகுந்த இடங்களில் பிச்சை எடுப்பவர்கள் எண்ணிக்கை அதிகமாக உள்ளது.
இதனால் பொதுமக்கள், வாகன ஓட்டிகள் சிரமப்படுகின்றனர்.
ஒவ்வொரு மாவட்டங்களிலும் பிச்சைக்காரர்கள் மறுவாழ்வு அமைக்க 2018-ல் அரசாணை பிறப்பிக்கப்பட்டது. அதன்படி மறுவாழ்வு மையங்களுக்கு குறைந்தளவு நிதியே ஒதுக்கப்பட்டது. எனவே அந்த அரசாணையை ரத்து செய்து பிச்சைக்காரர்களை கட்டுப்படுத்த உரிய நடவடிக்கை எடுக்க உத்தரவிட வேண்டும்.
» டிசம்பர் 21 தமிழக நிலவரம்: மாவட்ட வாரியாக கரோனா தொற்றுப் பட்டியல்
» வேளாண் சட்டங்களைக் கண்டித்து ரயில் மறியல்: காரைக்காலில் மமகவினர் கைது
இவ்வாறு மனுவில் கூறப்பட்டிருந்தது.
இந்த மனு நீதிபதிகள் என்.கிருபாகரன், பி.புகழேந்தி அமர்வில் விசாரணைக்கு வந்தது. மனு தொடர்பாக சமூக நலத் துறைச் செயலர் பதிலளிக்க உத்தரவிட்டு விசாரணையை ஜனவரி 20-க்கு நீதிபதிகள் ஒத்திவைத்தனர்.