சென்னையில் 6-வது ஞாயிற்றுக்கிழமையாக முழு லாக்-டவுன்: தடையை மீறி வருவோர் வாகனங்கள் பறிமுதல்

சென்னையில் கரோனா நோய்த்தொற்றைக் கட்டுப்படுத்தும் விதமாக தளர்வுகளுடன் ஊரடங்கு அமலில் இருந்து வருகிறது, இதில் இன்று 6வது ஞாயிற்றுக் கிழமையாக முழு லாக்-டவுன் அனுசரிக்கப்பட்டு வருகிறது.

சென்னையின் பிரதான சாலைகளான அண்ணாசாலை, காமராஜர் சாலை, ஜிஎஸ்டி சாலை, பூந்தமல்லி நெடுஞ்சாலை உட்பட பல சாலைகளில் வாகனச் சோதனைகள் தீவிரமாக்கப்பட்டுள்ளன.

அத்தியாவசியத் தேவைக்காக பயணிப்போர், இ-பாஸ் வைத்திருப்போர் மட்டுமே அனுமதிக்கப்படுகின்றனர், சாலைகள் அனைத்துமே வெறிச்சோடிக் காணப்படுகின்றன.

சென்னையை பொறுத்தவரை 280க்கும் மேற்பட்ட இடங்களில் போலீஸ் வாகனத்தணிக்கையில் ஈடுபட்டுள்ளனர்.

இ-பாஸ் இல்லாமல் பயணம் மேற்கொள்வோர்கள் மீது நடவடிக்கை எடுத்து வருகிறார்கள், வாகனப்பறிமுதல், ரூ.500 அபராதம் விதிக்கிறார்கள்.

இதனையடுத்து சென்னையில் தீவிர கண்காணிப்பில் போலீசார் ஈடுபட்டுள்ளனர்.