அகரம் அகழாய்வில் 2 மண் பானைகள் கண்டுபிடிப்பு

சிவகங்கை மாவட்டம் திருப்புவனம் அருகே அகரம் அகழாய்வில் 2 மண் பானைகள் கண்டுபிடிக்கப்பட்டன.

திருப்புவனம் அருகே கீழடி, கொந்தகை, அகரம், மணலூர் ஆகிய இடங்களில் பிப்.19-ம் தேதி ஆறாம் கட்ட அகழாய்வு பணி தொடங்கியது. ஊரடங்கால் மார்ச் 24-ம் தேதி அகழாய்வு பணியை தொல்லியல்துறை நிறுத்தியது.

ஊரடங்கு கட்டுப்பாடுகள் தளர்வு செய்யப்பட்டநிலையில் மே 20-ம் தேதி மீண்டும் அகழாய்வு பணி தொடங்கியது. மணலூரில் சுடுமண்ணால் ஆன உலை, கீழடியில் விலங்கின எலும்பு, கொந்தகையில் முதுமக்கள்தாழியில் மனித எலும்பு கண்டுபிடிக்கப்பட்டன.

இந்நிலையில் அகரத்தில் 2 மண்பானைகள் கண்டுபிடிக்கப்பட்டன. இதில் ஒன்று முழுமையாகவும், மற்றொன்று உடைந்தநிலையிலும் இருந்தன. இந்த பானைகளின் பயன்பாடு குறித்து தொல்லியல் ஆய்வாளர்கள் ஆய்வு செய்து வருகின்றனர்.