மழை நீர் சேகரிப்புத் தொட்டிக்குள் தவறி விழுந்த 3 வயது சிறுவன் மரணம் 

விருதுநகர்

விருதுநகர் மாவட்டம் ஆம்பூர் அருகே மழைநீர் சேகரிப்புத் தொட்டிக்குள் தவறி விழுந்த 3 வயது சிறுவன் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

விருதுநகர் மாவட்டம் சிவகாசி அருகே உள்ள கோவில்பட்டியைச் சேர்ந்தவர் மூர்த்தி. இவரது மகன் ருத்ரன் (3). அம்பத்தூர் அருகே உள்ள ஒண்டிப்புலி நாயக்கனூரில் உள்ள தாத்தா மணிகண்டன் வீட்டுக்குச் சென்றிருந்தார்.

இன்று காலை வீட்டின் அருகே விளையாடிக்கொண்டிருந்த சிறுவன் ருத்ரன் அப்பகுதியில் விளையாடிக் கொண்டிருந்தான். வெகுநேரமாக அவனை காணாததால் குடும்பத்தினர் வீட்டைச் சுற்றி தேடினர்.

அப்பொழுது வீட்டின் அருகே உள்ள சுமார் 4 அடி ஆழம் கொண்ட மழைநீர் சேகரிப்புத் தொட்டிக்குள் சிறுவன் ருத்ரன் தவறி விழுந்து கிடந்தது தெரியவந்தது. குடும்பத்தினர் சிறுவன் ருத்ரனை மீட்டு ஆமத்தூர் அரசு ஆரம்ப சுகாதார நிலையத்திற்குக் கொண்டு சென்றனர். மருத்துவர்கள் பரிசோதனை செய்த போது சிறுவன் ருத்ரன் இறந்துவிட்டதாகத் தெரிவித்தனர். இச்சம்பவம் அப்பகுதியில் சோகத்தை ஏற்படுத்தியுள்ளது.

இதுகுறித்து ஆமத்தூர் போலீஸார் வழக்குப்பதிவு செய்து விசாரணை நடத்தி வருகின்றனர்.