ராணுவத்தில் ஆள் சேர்ப்பு: நுழைவுச்சீட்டு வழங்கும் தேதி மாற்றம்

ராணுவத்தில் சேர்வதற்கான பொது நுழைவுத் தேர்வுக்குரிய (CEE) நுழைவுச் சீட்டு வழங்கும் தேதி, மக்களவைத் தேர்தல் காரணமாக மாற்றப்பட்டுள்ளது.

இதுகுறித்து மத்திய பத்திரிகை தகவல் அலுவலகம் வெளியிட்டுள்ள செய்திக் குறிப்பில் தெரிவிக்கப்பட்டிருப்பதாவது:

பொது நுழைவுத் தேர்வுக்கான நுழைவுச் சீட்டு ஏப்ரல் 24-ம் தேதி வழங்கப்பட இருந்தது. ஆனால் அது வரும் 26-ம் தேதி தான் வழங்கப்படும். பிப்ரவரி 10-ம் தேதி முதல் 15-ம் தேதி வரை திருவண்ணாமலையில் ராணுவ ஆள்சேர்ப்பு முகாமில் கலந்து கொண்டு, நேரடி மற்றும் பரிசீலனை (direct and review) பிரிவில் மருத்துவ ரீதியாக தேர்வானவர்கள் மேற்கண்ட தகவலை கவனத்தில் கொள்ளவும்.

தகுதியுள்ள தேர்வர்கள் அனைவரும் 26-ம் தேதி காலை 6.30 மணிக்கு தலைமைச் செயலகத்துக்கு பின்புறத்தில் உள்ள ராணுவ அணிவகுப்பு மைதானத்தில் ஆள்சேர்ப்பு அலுவலரை சந்திக்குமாறு கேட்டுக் கொள்ளப்படுகிறார்கள். இது பற்றி தேர்வு எழுதுபவர்களுக்கு தனியாக தகவல் அனுப்பப்பட மாட்டாது.