திமுக தேர்தல் பணிக்குழு அமைப்பு

ஸ்ரீரங்கம் தொகுதி இடைத்தேர்தலுக்காக முன் னாள் அமைச்சர் கே.என்.நேரு தலைமையில் 63 உறுப்பினர்களைக் கொண்ட தேர்தல் பணிக் குழுவை திமுக அமைத்துள்ளது.

தமிழகத்தில் காலியாக உள்ள ஸ்ரீரங்கம் சட்டப்பேரவைத் தொகுதிக்கு பிப்ரவரி 13-ம் தேதி இடைத்தேர்தல் நடக்கவுள்ளது. இந்தத் தேர்தலில் திமுக சார்பில் என்.ஆனந்த் போட்டியிடுகிறார். அவருக்காக பணியாற்ற திமுக சார்பில் தேர்தல் பணிக்குழு அமைக்கப்பட்டுள்ளது. இதுதொடர்பாக திமுக தலைமை அலுவலகம் நேற்று வெளியிட்ட அறிவிப்பில் கூறியிருப்பதாவது:

ஸ்ரீரங்கம் சட்டப்பேரவை தொகுதி இடைத்தேர்தலுக்கான தேர்தல் பணிக்குழு அமைக்கப்படுகிறது. தலைவர் - கே.என்.நேரு. உறுப் பினர்கள் - ஐ.பெரியசாமி, வி.பி.துரைசாமி, திருச்சி சிவா, ஆ.ராசா, கே.பொன்முடி, எம்.ஆர்.கே.பன்னீர்செல்வம், எ.வ.வேலு, பொங்கலூர் பழனிச்சாமி, சுப.தங்கவேலன், கே.ஆர்.பெரியகருப்பன், என்.சுரேஷ்ராஜன், தா.மோ.அன்பரசன், மு.பெ.சாமிநாதன், சாத்தூர் ராமச்சந்திரன், தங்கம் தென்னரசு, டிபிஎம் மைதீன்கான், மா.சுப்பிரமணியன் உள்பட 63 பேர்.

இவ்வாறு அதில் கூறப்பட்டுள்ளது.