ஜெயலலிதா பிரச்சார பயணத் திட்டத்தில் மாற்றம்: ஏப்ரல் 21-ம் தேதி வரை பிரசாரம் செய்கிறார்

முதல்வரும், அதிமுக பொதுச் செயலாளருமான ஜெயலலிதா வின் பிரசார சுற்றுப்பயணத் திட்டத் தில் மாற்றம் செய்யப்பட்டுள்ளது.

இதுகுறித்து அதிமுக தலை மைக்கழகம் வியாழக்கிழமை வெளியிட்ட அறிக்கையில் கூறி யிருப்பதாவது:-

தமிழ்நாடு மற்றும் புதுச்சேரி உள்ளிட்ட 40 நாடாளுமன்றத் தொகுதிகளுக்கான பொதுத் தேர்தல் மற்றும் ஆலந்தூர் சட்ட மன்றத் தொகுதிக்கான இடைத் தேர்தல் வரும் ஏப்ரல் 24-ம் தேதி நடைபெறவுள்ளது. இதை முன்னிட்டு அதிமுக பொதுச் செயலாளரும், முதல்வருமான ஜெயலலிதா, கடந்த 3-ம் தேதி முதல் தேர்தல் பிரசாரம் செய்து வருகிறார்.

இந்நிலையில், தேர்தல் பிரச்சார சுற்றுப்பயணத் திட்டத்தில் சில மாறுதல்கள் செய்யப்பட்டுள்ளன. இன்றுமுதல் (21-3-14) முதல் 21-4-14 வரை முதல்வர் ஜெயலலிதா பிரசாரம் செய்யும் தேதி, தொகுதி, இடம் வருமாறு:-

மார்ச் 21-ம் தேதி: விருதுநகர் தொகுதி – அண்ணாமலையார் நகர், சிவகாசி- திருத்தங்கல் நெடுஞ்சாலை, திருத்தங்கல் நகரம். சிவகங்கை தொகுதி- போக்குவரத்து நகர், ஆவின் பால்பண்ணை மேல்புறம், காரைக்குடி.

23-ம் தேதி: கடலூர் தொகுதி- மஞ்சை நகர் மைதானம், கடலூர்.விழுப்புரம் (தனி) தொகுதி - ஆவின் பால்பண்ணை எதிரில், திருச்சி பைபாஸ் சாலை- விழுப்புரம் செல்லும் வழி.

25-ம் தேதி: திண்டுக்கல் தொகுதி- அங்குவிலாஸ் விளையாட்டுத் திடல், பழனிரோடு, திண்டுக்கல். தேனி தொகுதி- தேனி-ஆண்டிபட்டி ரோடு, கோவில்பட்டி ஊராட்சி, ஆண்டிபட்டி ஒன்றியம்.

27-ம் தேதி: புதுச்சேரி தொகுதி- உப்பளம் துறைமுக வளாகம், புதுச்சேரி.

28-ம் தேதி: மதுரை தொகுதி- பாண்டி கோயில் திடல், ரிங் ரோடு, மதுரை.

29-ம் தேதி: ராமநாதபுரம் தொகுதி, ராமநாதபுரம் மாவட்ட ஆட்சியர் அலுவலகம் அருகில்.

ஏப்ரல் 1-ம் தேதி: பொள்ளாச்சி தொகுதி, சி.டி.சி. மேடு, ஆச்சிப்பட்டி ஊராட்சி, பொள்ளாச்சி. கோவை தொகுதி- வ.உ.சி. பூங்கா மைதானம், கோவை.

3-ம் தேதி: நாமக்கல் தொகுதி- கருப்பட்டிபாளையம் பிரிவு, கிரீன்பார்க் பள்ளி அருகில், நாமக்கல். சேலம் தொகுதி- போஸ் மைதானம் சேலம்.

5-ம் தேதி: தஞ்சாவூர் தொகுதி- புதிய பேருந்து நிலையம் அருகில், தஞ்சாவூர் நகராட்சி மைதானம். திருச்சி தொகுதி- இடமலைப்பட்டிபுதூர் மைதானம், திருச்சி மேற்கு சட்டமன்றத் தொகுதி.

8-ம் தேதி: அரக்கோணம் தொகுதி- அம்மூர் பேரூராட்சி, ராணிப்பேட்டை சட்டமன்றத் தொகுதி. திருவள்ளூர் (தனி) தொகுதி- சென்னை-திருவள்ளூர் நெடுஞ்சாலை, கவரப்பாளையம், ஆவடி.

10-ம் தேதி: நீலகிரி (தனி) தொகுதி- சிறுமுகை நான்குரோடு, தேரம்பாளையம், காரமடை ஒன்றியம்.

11-ம் தேதி: திருநெல்வேலி தொகுதி- திருநெல்வேலி மாநகராட்சித் திடல்.

13-ம் தேதி: கரூர் தொகுதி- திருவள்ளுவர் விளையாட்டு மைதானம், கரூர். பெரம்பலூர் தொகுதி- தாத்தையங்கார்பேட்டை ரோடு, முசிறி பேரூராட்சி.

15-ம் தேதி: ஆரணி தொகுதி- ஆரணி ரோடு மைதானம், செய்யாறு, வேலூர் தொகுதி- காட்டுக்கொல்லை, இடையன்காடு ஊராட்சி, அணைக்கட்டு ஒன்றியம்.

17-ம் தேதி: கிருஷ்ணகிரி தொகுதி- பூசாரிப்பட்டி கூட்டு ரோடு, வரட்டனம்பள்ளி மெயின் ரோடு, கிருஷ்ணகிரி. தர்மபுரி தொகுதி- தர்மபுரி பென்னாகரம் சாலை, மேம்பாலம் அருகில்.

19-ம் தேதி : மத்திய சென்னை, வடசென்னை.

21-ம் தேதி: ஆலந்தூர், தென்சென்னை ஆகிய இடங்கள்