தனியார் நிறுவன ஊழியர்கள் உள்ளிருப்பு போராட்டம்

கேளம்பாக்கம் அடுத்த சிறுசேரி தொழில் பூங்காவில் இயங்கி வரும் டெக்புரோ நிறுவன ஊழியர்களுக்கு கடந்த 8 மாதங் காக ஊதியம் வழங்கப்படவில்லை எனக் கூறி திங்கள்கிழமை ஊழியர்கள் உள்ளிருப்பு போராட்டம் நடத்தினர்.

இதுகுறித்து ஊழியர்கள் கூறுகையில், “சிறுசேரி தொழில் பூங்காவில் டெக்புரோ சிஸ்டம்ஸ் லிமிடெட் நிறுவனம் இயங்கி வருகிறது. இந்த நிறுவனத்தில் 600-க்கும் மேற்பட்ட ஊழியர்கள் வேலை செய்துவருகின்றனர். இவர்களுக்கு கடந்த 8 மாதங்களாக ஊதியம் வழங்கப்படவில்லை.

இதுகுறித்து நிர்வாகத்திடம் கேட்டிருந்தோம். அவர்கள், தற்போது நிறுவனத்தின் தொழில் சிறப்பாக இல்லை. வங்கியில் கடன் கேட்டிருக்கிறோம். கிடைத்தவுடன் ஊதியம் வழங்குவதாகவும், மார்ச் 31-ம் தேதிக்குள் ஊதியம் வழங்கப்பட்டுவிடும் என்றும் உறுதியளித்திருந்தனர். இது வரை ஊதியம் வழங்கப்படவில்லை. இதைக் கண்டித்தும், உடனடியாக ஊதியம் வழங்க வலியுறுத்தியும், நிறுவனத்தின் வாயில் கதவை மூடி ஊழியர்கள் அனைவரும் உள்ளிருப்பு போராட்டம் நடத்திவருகிறோம்” என்றனர்.