குடியரசு தினத்தை முன்னிட்டு சென்னையில் காங்கிரஸார் பாதயாத்திரை

சென்னை: குடியரசு தினத்​தையொட்டி சென்னை​யில் காங்​கிரஸார் பாதயாத்​திரை மேற்​கொண்​டனர். நாட்​டின் 76-வது ஆண்டு குடியரசு தின விழாவை முன்னிட்டு சென்னை​யில் தமிழக காங்​கிரஸ் தலைவர் செல்​வப்​பெருந்தகை தலைமை​யில், சட்டப்​பேரவை காங்​கிரஸ் தலைவர் ராஜேஸ்​கு​மார் முன்னிலை​யில் அக்கட்​சி​யினர் பாதயாத்​திரை சென்​றனர்.

ஜெய் பாபு, ஜெய் பீம், ஜெய்சம்வி​தான் (சட்டம் இயற்றியநாள்) பிரச்​சா​ரத்தை முன்னிலைப்​படுத்​தும் வகையில் சென்னை மணிக்கூண்டு அருகில் இருந்து புறப்​பட்ட பாதயாத்​திரை காங்​கிரஸ் கட்சி​யின் தலைமை அலுவல​கமான சத்தி​யமூர்த்தி பவன் வரை நடைபெற்​றது. பாதயாத்​திரை​யில் காந்தி, அம்பேத்கர் மற்றும் அரசி​யலைப்பை போற்றும் வகையில் காங்​கிரஸ் கட்சி​யினர் பதாகைகள் மற்றும் தேசியக் கொடி ஏந்தி வந்தனர்.

பாதயாத்​திரை நிறைவில் கட்சி அலுவல​கத்தில் செல்​வபெருந்தகை தேசியக் கொடியேற்றி வைத்து பேசினார். இந்த நிகழ்​வில், தமிழக காங்​கிரஸ் முன்​னாள் தலைவர்கள் கிருஷ்ணசாமி, தங்கபாலு, திருநாவுக்​கரசர், கட்சி​யின் மாநில, மாவட்ட நிர்​வாகிகள் உள்ளிட்​டோர் கலந்​து​கொண்​டனர்.