ஸ்பேடெக்ஸ் விண்கலன்கள் ஒருங்கிணைப்பு பணி: இன்று தொடங்குவதாக இஸ்ரோ அறிவிப்பு

சென்னை: ஸ்​பேடெக்ஸ் இரட்டை விண்​கலன்​களின் ஒருங்கிணைப்பு பணியானது இன்று (ஜனவரி 10) தொடங்​கும் என்று இஸ்ரோ அறிவித்​துள்ளது.

இந்திய விண்​வெளி ஆய்வு நிறு​வனம் (இஸ்ரோ) பாரதிய அந்தரிக் ஷா ஸ்டேஷன் எனும் இந்திய ஆய்வு நிலை​யத்தை 2035-ம் ஆண்டுக்​குள் விண்​ணில் நிறுவமுடிவு செய்​துள்ளது. இதற்கான முன்னேற்​பாடுகள் தற்போது மேற்​கொள்​ளப்​பட்டு வருகின்றன. அதற்கு முன்னோட்​டமாக ஸ்பேடெக்ஸ் (SPADEX–Space Docking Experiment) எனும் திட்​டத்​தின்​கீழ் விண்​வெளி​யில் விண்​கலன்களை ஒருங்​கிணைக்​கும் பரிசோதனையை மேற்​கொள்ள இஸ்ரோ முடிவு செய்​தது.

இதற்காக வடிவ​மைக்​கப்​பட்ட ஸ்பேடெக்ஸ் ஏ, ஸ்பேடெக்ஸ் பி ஆகிய விண்​கலன்​களும் பிஎஸ்​எல்வி சி-60 ராக்​கெட் மூலமாக ஹரி​கோட்​டா​வில் உள்ள ஏவுதளத்​தில் இருந்து கடந்த டிசம்பர் 30-ம் தேதி விண்​ணில் நிலைநிறுத்​தப்​பட்டன.

இவற்றின் தூரத்தை 225 மீட்​டராக குறைக்க நேற்று முன்​தினம் முயற்சிக்​கப்​பட்​டது. அப்போது புறச்​சூழல்கள் காரணமாக விண்​கலன்​களின் இயக்​கத்​தின் வேகம் எதிர்​பார்த்​ததைவிட குறைந்​து​விட்​டது. இதனால் நேற்று திட்​ட​மிடப்​பட்​டிருந்த விண்​கலன்கள் ஒருங்​கிணைப்பு நிகழ்வு தற்காலிகமாக ஒத்தி வைக்​கப்​பட்​டது.

இந்நிலை​யில் ஸ்பேடெக்ஸ் இரட்டை விண்​கலன்​களின் ஒருங்​கிணைப்பு செயல்​பாடுகள் இன்று (ஜனவரி 10) தொடங்​கப்பட உள்ளதாக இஸ்ரோ அறிவித்​துள்ளது. இதுகுறித்து இஸ்ரோ வெளி​யிட்ட அறிவிப்​பில், ‘இரு விண்​கலன்​களை​யும் ஒன்றுக்​கொன்று நெருக்​கமாக கொண்டு செல்​லும் பணிகள் முன்னெடுக்​கப்​பட்​டுள்ளன. ஒருங்​கிணைப்பு நடவடிக்கைகள் வெள்​ளிக்​கிழமை (இன்று) தொடங்கும். இரு விண்​கலன்​களும் பாது​காப்பாக உள்ளன”என்று தெரிவிக்​கப்​பட்​டுள்​ளது.