க​திர் ஆனந்த்துக்கு அமலாக்கத் துறை சம்மன்: ஜன. 22-ல் விசாரணைக்கு ஆஜராக உத்தரவு

வேலூர்: அமலாக்​கத்​துறை சோதனை முடிவடைந்த நிலையில், விசா​ரணைக்காக ஜன. 22-ல் சென்னை அலுவலகத்தில் நேரில் ஆஜராகு​மாறு வேலூர் எம்.பி. கதிர்​ஆனந்த்துக்கு சம்மன் அளிக்​கப்​பட்​டுள்​ளது.

வேலூர் மாவட்டம் காட்​பாடி காந்தி நகரில் நீர்​வளத்​துறை அமைச்சர் துரை​முருகன் வீடு மற்றும் இவரது மகனும் வேலூர் மக்களவை தொகுதி உறுப்​பினருமான கதிர் ஆனந்த் நடத்தி வரும் கிங்ஸ்டன் பொறி​யியல் கல்லூரி உள்ளிட்ட 4 இடங்​களில் அமலாக்கத் துறை அதிகாரிகள் அண்மை​யில் சோதனை​யில் ஈடுபட்​டனர்.

இதில், பூஞ்​சோலை சீனிவாசன் உள்ளிட்ட 2 இடங்​களில் 8 மணி நேரம் நடைபெற்ற சோதனை​யில் ரூ.28 லட்சம் ரொக்க பணம் பறிமுதல் செய்​யப்​பட்​டதாக கூறப்​படு​கிறது. கிங்ஸ்டன் பொறி​யியல் கல்லூரி​யில் ஜன.4-ம் தேதி நள்ளிரவு வரை 44 மணி நேரம் நடைபெற்ற சோதனை​யில் பெரும் தொகை ஒன்றை பறிமுதல் செய்​ததுடன் ஆவணங்​கள், கம்ப்​யூட்டர் ஹார்​டுடிஸ்க் உள்ளிட்​ட​வற்றை பறிமுதல் செய்​தனர்.

இதன் தொடர்ச்​சியாக கிங்ஸ்டன் பொறி​யியல் கல்லூரி​யில் 2-ம் கட்டமாக 5 பேர் அடங்கிய அமலாக்​கத்​துறை அதிகாரிகள் நேற்று முன்​தினம் (ஜன.7-ம் தேதி) மீண்​டும் சோதனை​யில் ஈடுபட்​டனர். அதில், கல்லூரி​யில் 2 அறைகளுக்கு வைக்​கப்​பட்ட‘சீலை’அகற்றி நேற்று அதிகாலை 2.30 மணி வரை சோதனை நடத்​தினர். கல்லூரி​யின் மின்னஞ்சல் முகவரி​யில் இருந்து வெளிநபர்​களுக்கு அனுப்​பப்​பட்ட மின்னஞ்சலை நகல் எடுத்​துச் சென்​றதாக அதிகாரிகள் தரப்​பில் கூறப்​படு​கிறது.

இதற்​கிடை​யில், சோதனை முடிந்த பிறகு திமுக பிரமுகர்கள் வன்னியராஜா, சுனில்​கு​மார், வழக்​கறிஞர் பாலாஜி ஆகியோரிடம் அமலாக்கத் துறை அதிகாரிகள் சம்மன் ஒன்றை கொடுத்து சென்​றுள்​ளனர். அதில் கதிர் ஆனந்த் ஜன. 22-ம் தேதி சென்னை​ அமலாக்​கத் துறை அலு​வல​கத்​தில் ​ ஆஜராக வேண்​டும் என்று குறிப்​பிட்​டுள்ளதாக தகவல் வெளி​யாகி​யுள்ளது.