சென்னை மாரத்​தானில் கியான் பாபு முதலிடம்

சென்னை: சென்னை ரன்னர்ஸ், ஃபிரெஷ் ஒர்க்ஸ் இன்க் ஆகியவை சார்​பில் சென்னை மாரத்​தான் போட்​டி​யின் 13-வது சீசன் போட்டி நேற்று சென்னை​யில் நடத்​தப்​பட்​டது. முழு மாரத்​தான் (42.195 கி.மீ), பெர்ஃபெக்ட் 20 மைலர் - (32.186 கி.மீ), அரை மாரத்​தான் (21.097 கி.மீ) மற்றும் 10 கி.மீ. ஓட்டம் என நான்கு பிரிவு​களில் போட்​டிகள் நடத்​தப்​பட்டன. இதில் 25 ஆயிரத்​துக்​கும் மேற்​பட்​டோர் பங்கேற்​றனர்.

முழு மாரத்​தான் போட்​டி​யானது, நேப்​பியர் பாலத்​திலிருந்து தொடங்கி, மெரினா கடற்கரை பாதை வழியாக கலங்கரை விளக்​கத்தை சென்​றடைந்​தது. அதன்​பிறகு மத்திய கைலாஷ், டைடல் பார்க் ஆகிய​வற்​றைக் கடந்து கிழக்கு கடற்கரை சாலை​யில் முடிவடைந்​தது. போட்​டியை நேப்​பியர் பாலத்​தில் இந்திய கிராண்ட் மாஸ்​டரான ஆர்.வைஷாலி தொடங்கி வைத்​தார்.

முழு மாரத்​தானில் உத்தர பிரதேசத்​தைச் சேர்ந்த கியான் பாபு முதலிடம் பிடித்​தார். பந்தய தூரத்தை அவர், 2 மணி நேரம் 25:38 நிமிடங்​களில் கடந்​தார். 2-வது இடத்தை அபிஷேக் சோனி​யும் (2:27:41), 3-வது இடத்தை மிகி​யாஷ் யமந்​திரா​வும் (2:36:08) பிடித்​தனர்.

மகளிர் பிரி​வில் நடைபெற்ற முழு மாரத்​தானில் எத்தி​யோப்பா நாட்​டைச் சேர்ந்த செனைட் கெபெலென் முதலிடம் பிடித்​தார். பந்தய தூரத்தை அவர், 3 மணி நேரம் 9:03 நிமிடங்​களில் எட்டி​னார். சீமா (3:17:18) 2-வது இடத்​தை​யும், பிஜோயா பர்மான் (3:32:36) 3-வது இடத்​தை​யும் பிடித்​தனர்.