சகாயம் ஐஏஎஸ் எழுதிய ‘கடைசித் தறியில் கண்டாங்கிச் சேலை’ நூல் வெளியீடு

சென்னை: தேசத்​தின் நம்பிக்கை மாத இதழ் மற்றும் அப்பா பதிப்​பகம் சார்​பில், ஓய்வு​பெற்ற ஐஏஎஸ் அதிகாரி உ.சகாயம் எழுதிய ‘கடைசித் தறியில் கண்டாங்​கிச் சேலை’ நூல் வெளி​யீட்டு விழா சென்னை தேனாம்​பேட்​டை​யில் நேற்று நடைபெற்​றது. இந்திய கம்யூனிஸ்ட் கட்சி மூத்த தலைவர் இரா.நல்​ல​கண்ணு தலைமை வகித்து, நூலை வெளி​யிட்​டார். தமிழ்​நாடு தன்னுரிமைக் கழகத் தலைவர் பழ.கருப்​பையா நூலின் முதல் பிரதி​யைப் பெற்றுக்​கொண்​டார்.

தொடர்ந்து, இரா.நல்​ல​கண்​ணு​வின் 100-வது பிறந்த நாளை, கேக் வெட்​டிக் கொண்​டாடினர். பின்னர், சகாயத்​தின் ஆதரவற்​றோருக்கான நம்பிக்கை இல்லத்​தின் நிர்​வாகி​களுக்கு விருதுகளும், மாணவர்​களுக்கு நினைவுப் பரிசுகளும் வழங்​கப்​பட்டன.

மதுரையை சேர்ந்த டி.ஆர்​. சந்​திரனுக்கு நெசவாளர் விருது, அருக்​காப்​பட்டி கருப்​பண்​ணனுக்கு விவசாயி விருது, மதுரையை சேர்ந்த மறைந்த ரவிச்​சந்​திரனுக்கு இயற்​கைப் பாது​காவலர் விருது, கதிர்​செல்வன் மற்றும் ஜானகி ஆகியோ​ருக்கு குழந்தைகள் பாது​காவலர் விருது ஆகியவை வழங்​கப்​பட்டன.

பதிப்​பாளர் கா.பாட்ஷா பேசும்​போது, “கோ-ஆப்​டெக்ஸ் மேலாண்மை இயக்​குநராக இருந்த காலக்​கட்​டத்​தில், ஓர் அதிகாரி சந்தித்த சவால்களை இந்தப் புத்​தகம் விளக்கு​கிறது. தான் செய்யக் கருதி​யதை​யும், அவற்றை யாரெல்​லாம் தடுத்​தார்கள் என்ப​தை​யும் சகாயம் ஆதாரத்​துடன் எழுதி​யிருக்​கிறார்.

இதுபோன்ற நேர்​மையான புத்​தகங்களை மிகுந்த மகிழ்ச்​சியாக வெளி​யிடு​வதுடன், வரும் காலங்​களில் தொடர்ந்து வெளி​யிட​வும் காத்​திருக்​கிறேன்” என்றார். நிகழ்​வில், திரைப்பட இயக்​குநர்கள் ராஜு முரு​கன், புகழேந்தி தங்க​ராஜ், மூத்த பத்திரிக்கை​யாளர் தமிழா தமிழா பாண்​டியன், கவிஞர் நா.முத்​து​நில​வன், அறப்​போர் இயக்க நிர்​வாகி ஜெயராமன், 10 ரூபாய் இயக்க நிர்​வாகி நல்​வினை ​விஸ்​வ​ராஜ் உள்​ளிட்​டோர்​ பங்​கேற்​றனர்​.