எஸ்.வி.சேகருக்கு ஒரு மாத சிறை தண்டனை உறுதி: வழக்கின் பின்னணி என்ன?

சென்னை: பெண் பத்திரி​கை​யாளர்​களுக்கு எதிராக சர்ச்​சைக்​குரிய வகையில் கருத்து தெரி​வித்து முகநூலில் பதிவிட்ட வழக்கில் எஸ்.வி.சேகருக்கு விதிக்​கப்பட்ட ஒருமாதசிறை தண்டனையை உயர் நீதி​மன்றம் உறுதி செய்தது.

2018-ம் ஆண்டு பெண் பத்திரி​கை​யாளர்கள் குறித்து தரக்​குறைவாக விமர்​சிக்​கப்​பட்ட பதிவை பாஜக முன்​னாள் பிரமுகரும், நடிகருமான எஸ்.​வி.சேகர் தனது முகநூல் பக்கத்​தில் பகிர்ந்​திருந்​தார். அதையடுத்து அவர் மீது பெண்​களுக்கு எதிரான வன்கொடுமை தடுப்புச்​சட்​டத்​தின் கீழ் நடவடிக்கை எடுக்​கக்​கோரி தமிழ்​நாடு பத்திரி​கை​யாளர் பாது​காப்பு சங்கச் செயலா​ளரான மிதார் மொய்​தீன் போலீ​ஸில் புகார் அளித்​தார். அதன்​பேரில் எஸ்.​வி.சேகர் மீது சென்னை மத்திய குற்​றப்​பிரிவு போலீ​ஸார், இந்திய தண்டனைச் சட்டம் மற்றும் பெண்​களுக்கு எதிரான வன்கொடுமைகள் தடுப்புச்​சட்டம் என 4 பிரிவு​களின் கீழ் வழக்​குப்​ப​திவு செய்​தனர்.

இதேபோல நெல்​லை​யிலும் எஸ்.​வி.சேகர் மீது வழக்​கு ​ப​தி​யப்​பட்​டது. இந்த வழக்​கு​களில் முன்​ஜாமீன் கோரி எஸ்.​வி.சேகர் சென்னை உயர் நீதி​மன்​றத்​தில் மனு தாக்கல் செய்திருந்​தார். அப்போது சர்ச்​சைக்​குரிய வகையில் கருத்து தெரி​விப்பதை வாடிக்கையாக வைத்​துள்ள எஸ்.​வி.சேருக்கு முன்​ஜாமீன் வழங்​கக்​கூடாது என பெண் பத்திரி​கை​யாளர்கள் மற்றும் பெண் வழக்​கறிஞர்கள் சங்கத்​தினர் தரப்​பில் கடும் ஆட்சேபம் தெரிவிக்​கப்​பட்​டது.

அதையடுத்து, எஸ்.​வி.சேகருக்கு முன்​ஜாமீன் கோரிய மனுவை தள்ளுபடி செய்த உயர் நீதி​மன்​றம், இந்த விவகாரத்​தில் எஸ்.வி. சேகருக்கு எவ்வித பாரபட்​ச​மும் காட்​டக்​கூடாது என 2018-ம் ஆண்டு அப்போதைய அரசுக்கு உத்தர​விட்​டது. சென்னை உயர் நீதி​மன்​றத்​தின் இந்த உத்தரவை எதிர்த்து எஸ்.​வி.சேகர் தாக்கல் செய்திருந்த முன்​ஜாமீன் மனுவை உச்ச நீதி​மன்​ற​மும் தள்ளுபடி செய்​தது. அதன்​பிறகும் எஸ்.​வி.சேகர் கைது செய்​யப்​பட​வில்லை என்ப​தால் உயர் நீதி​மன்​றத்​தில் அவமதிப்பு வழக்கு தொடரப்​பட்​டது. அதேபோல இந்த வழக்கை ரத்து செய்​யக்​கோரி எஸ்.​வி.சேகர் தரப்​பில் தாக்கல் செய்​யப்​பட்ட மனுவை விசா​ரித்த உயர் நீதி​மன்​றம், அவருக்கு எதிரான வழக்கை 6 மாதத்​தில் விசா​ரித்து முடிக்க சென்னை​யில் உள்ள எம்.பி., எம்எல்​ஏ-க்கள் மீதான வழக்​குகளை விசா​ரிக்​கும் சிறப்பு நீதி​மன்​றத்​துக்கு கடந்த 2023-ம் ஆண்டு உத்தர​விட்​டது.

அதன்படி இந்த வழக்கை விசா​ரித்த சிறப்பு நீதி​மன்ற நீதிபதி ஜி.ஜெய​வேல் கடந்​தாண்டு பி்ப்​ர​வரி​யில் பிறப்​பித்த உத்தர​வில், எஸ்.​வி.சேகருக்கு எதிரான குற்​றச்​சாட்டுகள் அரசு தரப்​பில் சரிவர நிரூபிக்​கப்​பட்​டுள்​ளது. தனக்கு வந்த பதிவை அப்படியே பார்​வர்டு செய்​தேன் என்றும், தான் குற்​றமற்​றவன் என்றும், இதற்காக மன்னிப்பு கோரு​கிறேன் என்ற அவரது தரப்பு வாதத்தை ஏற்க முடி​யாது. எனவே எஸ்.​வி.சேகருக்கு ஒரு மாதம் சிறை தண்டனை மற்றும் ரூ. 15 ஆயிரம் அபராதம் விதிக்​கிறேன் என தீர்ப்பளித்தார்.

இந்த உத்தரவை எதிர்த்து உயர் நீதி​மன்​றத்​தில் மேல்​முறை​யீடு செய்​ய​வுள்ளதாக தெரிவிக்​கப்​பட்​ட​தால் ஒரு மாத சிறை தண்டனை நிறுத்தி வைக்​கப்​பட்​டது. இந்நிலை​யில் தனக்கு விதிக்​கப்​பட்ட சிறை தண்டனையை எதிர்த்து எஸ்.​வி.சேகர் தாக்கல் செய்திருந்த மேல்​முறை​யீட்டு மனுவை விசா​ரித்த உயர் நீதி​மன்ற நீதிபதி பி.வேல்​முரு​கன், நேற்று பிறப்​பித்​துள்ள உத்தர​வில், ‘‘சர்ச்​சைக்​குரிய வகையில் கருத்து தெரி​விப்பதை மனுதாரர் வாடிக்கையாக வைத்​துள்ளார் என்றும், அவர் ஒன்றும் எழுத, படிக்கத் தெரி​யாதவர் அல்ல என்றும், எம்எல்​ஏ-வாக பதவி வகித்​தவர் எனவும் தெரிவிக்​கப்​படும் அரசு தரப்பு வாதம் ஏற்கத்​தக்​கது. எனவே எஸ்.​வி.சேகருக்கு ஒரு மாத சிறை தண்டனை விதித்து சிறப்பு நீதி​மன்றம் பிறப்​பித்த உத்தரவை உறுதி செய்​கிறேன் என கூறி மேல்​முறை​யீட்டு மனுவை தள்ளுபடி செய்​தார்.

ஏற்கெனவே முன்​னாள் முதல்வர் பழனிசாமி குறித்து தவறான தகவலை தெரி​வித்​தும், தேசியக் கொடியை அவமதிக்​கும் வகையிலும் சர்ச்​சைக்​குரிய வீடியோ வெளி​யிட்​டதாக 2020-ம் ஆண்டு எஸ்.​வி.சேகருக்கு எதிராக பதியப்​பட்ட வழக்கை உயர் நீ​தி​மன்​றம் ரத்து செய்தது குறிப்​பிடத்​தக்​கது. அதேபோல பாஜக​வில் இருந்து ​கொண்டே ​மாநில தலை​வரான அண்ணாமலை உள்​ளிட்​டோரை ​விமர்சித்து வந்த எஸ்​.​வி.சேகர், தற்​போது பாஜக​வில் இல்​லை என்​பதும்​ குறிப்​பிடத்​தக்​கது.