மியூசிக் அகாடமியின் விருது வழங்கும் விழா: இசையால் மெய்மறந்த இன்பத்தை பெறுகிறோம் - பேராசிரியர் டேவிட் ஷுல்மேன்

சென்னை: இசை​யால் மெய்​மறந்த இன்பத்​தைப் பெறுகிறோம் என்று மியூசிக் அகாட​மி​யின் 98-வது விருது வழங்​கும் விழா​வில், பேராசிரியர் டேவிட் ஷுல்​மேன் தெரி​வித்​துள்ளார். சென்னை மியூசிக் அகாட​மி​யின் 98-வது விருது வழங்​கும் விழா நேற்று மயிலாப்​பூர் டிடிகே அரங்​கில் நடைபெற்​றது.

இதில் சங்கீத கலாநிதி விருதை டி.எம்​.கிருஷ்ணாவுக்​கும், சங்கீத கலா ஆச்சார்யா விருதை மிருங்க வித்​வான் பேராசிரியர் பாரசாலா ரவி, விதூஷி கீதா ராஜா ஆகியோ​ருக்​கும், டி.டி.கே.​விருதை திரு​வை​யாறு சகோதரர்​களான பாகவதர்கள் எஸ்.நரசிம்​மன், எஸ்.வெங்​கடேசன், வித்​வான் ஹெச்​.கே.நரசிம்​ம மூர்த்தி ஆகியோ​ருக்​கும், இசை அறிஞர் விருதை விதூஷி டாக்டர்மார்​கரெட் பாஸ்​டினுக்​கும் பேராசிரியர் டேவிட் ஷுல்​மேன் வழங்​கினார்.

ரினிலேங் மனித இயல் கல்வி பேராசிரியரும், ஜெருசலம், ஹீப்ரு பல்கலைக்​கழகத்​தில் இந்தியக் கல்வி​யியல் மற்றும் சமயங்​களுக்கு இடையேயான ஒப்பு​நோக்​கு​களை பயிற்று​வித்​தவருமான பேராசிரியர் டேவிட் ஷுல்​மேன், கலைஞர்​களையும் மியூசிக் அகாட​மி​யின் செயல்​பாடு​களை​யும் வாழ்த்​தி பேசி​ய​தாவது: முத்​துசாமி தீக்​ஷிதர் கமலாம்​பாளைப் பற்றிய சாகித்​யத்​தில் ஸ்ரீசக்ர மகிமை​களைப் பாடி​யிருப்​பார். கர்னாடக இசையில் பாரம்​பரி​யத்​துக்​கும் இடம் உள்ளது.

புது​மைக்​கும் இடம் உள்ளது. உயர்ந்த ரசிகானுபவத்​தைக் கொடுப்பது கர்னாடக இசை. இசையால் மெய்​மறந்த இன்பத்​தை பெறுகிறோம். இதைத்​தான் தியாக​ராஜரின் கீர்த்​தனை​களும் நமக்கு அளிக்​கின்றன. இவ்வாறு அவர் பேசினார்.

முன்னதாக வரவேற்​புரை ஆற்றிய மியூசிக் அகாட​மி​யின் தலைவர் என்.முரளி, ‘‘மியூசிக் அகாடமி நிகழ்ச்​சி​யில் சிறப்பு விருந்​தின​ராகப் பங்கேற்றிருக்​கும் பேராசிரியர் டேவிட் ஷுல்​மேன் சர்வதேச அளவில் புகழ்​பெற்ற அறிஞர். பல மொழிகளில் விற்​பன்னர். இருபதுக்​கும் மேற்​பட்ட புத்​தகங்களை இவர் எழுதி​யிருக்​கிறார். மியூசிக் அகாட​மி​யின் இந்த `சதஸ்' நிகழ்ச்​சி​யில் பங்கெடுப்​ப​தற்​காகவே ஜெருசலேமிலிருந்து வருகை தந்ததற்கு நன்றி’’ என்றார்.

மியூசிக் அகாட​மி​யின் சங்கீத கலாநிதி விருதைப் பெற்ற டி.எம்​. கிருஷ்ணாவை நாகசுர வித்​வான் வியாசர்​பாடி கோதண்​ட​ராமனும், சங்கீதா கலா ஆச்சார்யா விருது பெற்ற பாரசாலா ரவி, கீதா ராஜா, டி.டி.கே. விருது பெற்ற எஸ். நரசிம்​மன், எஸ்.வெங்​கடேசன், வித்​வான் நரசிம்​மமூர்த்தி, இசை அறிஞர் விருது பெற்ற ​விதூஷி ​மார்​கரெட் பாஸ்​டின் ஆகியோரை டாக்​டர் சுபாஷிணி பார்த்​தசா​ரதி வாழ்த்​தி பேசினார். ​விருது பெற்ற கலைர்​களின் சார்பாக கீதா ராஜா ஏற்​புரை வழங்​கினார்​.