திருவள்ளுவருக்கு ‘காவி’ சாயம் பூச வேண்டிய அவசியம் இல்லை: முதல்வருக்கு பாஜக பதில்

சென்னை: ‘காவி’ திரு​வள்​ளுவருக்கு ‘காவி’ சாயம் பூச வேண்டிய அவசியம் இல்லை என தமிழக பாஜக தெரி​வித்​துள்ளது.

இதுகுறித்து பாஜக மாநில செய்தித் தொடர்​பாளர் ஏ.என்.எஸ்​.பிரசாத் வெளி​யிட்​டுள்ள அறிக்கை​: டிசம்பர் 31-ம் தேதி கன்னி​யாகுமரி​யில் நடைபெற்ற விழா​வில் பேசிய முதல்வர் ஸ்டா​லின், “திரு​வள்​ளுவர் வெறும் சிலை​யல்ல. திருக்​குறள் வெறும் நூல் அல்ல. நம்முடைய வாழ்க்கைக்கான வாளும், கேடய​மும்.

அதுநம்மைக் காக்​கும், நம்மை அழிக்க வரும் தீமைகளை தடுக்​கும். நம்மை மட்டுமல்ல, காவி சாயம் பூச நினைக்கிற தீய எண்ணங்​களை​யும் விரட்​டியடிக்​கும்” என பேசி​யுள்​ளார். திருக்​குறள் முழு​வதும் அறம், பொருள், இன்பம் என இந்துத்துவ கருத்து​களைத்​தான் திரு​வள்​ளுவர் பேசி​யுள்​ளார்.

திருக்​குறளின் ஆன்மாவே ஆன்மிகம்​தான். திருக்குறளின் ஆன்மாவான ஆன்மிகத்தை நீக்கி, ஆங்கிலத்​தில் மொழிபெயர்த்த ஜி.யு.​போப்பை திமுக​வினர் கொண்​டாடி வருகின்​றனர். திரு​வள்​ளுவருக்கு யாரும் காவி சாயம் பூச வேண்​டியது​ இல்லை. திருக்​குறளும், திரு​வள்​ளுவரும் என்றும் காவி​தான். இந்த மண்ணின் கலாச்சா​ரத்தை பின்​பற்றும் இந்துக்களிடம் இருந்து திருக்​குறளை​யும், திரு​வள்​ளுவரை​யும் அந்நியப்​படுத்த முயற்சிக்​கும் முதல்வர் ஸ்டா​லினின் எண்ணம் ஒரு​போதும் ஈடேறாது. ​