பிஎஸ்எல்வி சி-60 ராக்கெட் இன்று விண்ணில் பாய்கிறது: 25 மணி நேர கவுன்ட்டவுன் தொடங்கியது

சென்னை: ​விண்​வெளி ஆய்வு மையத் திட்​டத்​தின் முன்னோட்​டமாக ஸ்பேடெக்ஸ் விண்​கலன்கள் பிஎஸ்​எல்வி சி-60 ராக்​கெட் மூலமாக இன்று (டிச.30) இரவு விண்​ணில் செலுத்​தப்​படு​கின்றன.

விண்​வெளி ஆராய்ச்​சி​யில் பல்வேறு சாதனைகளை இந்திய விண்​வெளி ஆய்வு நிறு​வனம் (இஸ்ரோ) நிகழ்த்தி வருகிறது. தற்போது எதிர்கால தேவையை கருத்​தில் கொண்டு பாரதிய அந்தரிக் ஷா ஸ்டேஷன் எனும் இந்திய ஆய்வு மையத்தை 2035-ம் ஆண்டுக்​குள் விண்​வெளி​யில் நிறுவ இஸ்ரோ திட்​ட​மிட்​டுள்​ளது. அதற்கான முன்​த​யாரிப்பு பணிகள் நடைபெற்று வருகின்றன. அதன்​ஒரு​பகு​தியாக ஸ்பேடெக்ஸ் திட்டம் (SPADEX–Space Docking Experiment) எனும் திட்​டத்​தின்​கீழ் விண்​ணில் விண்​கலன்களை ஒருங்​கிணைக்​கும் பணிகள் மேற்​கொள்​ளப்பட உள்ளன.

இதற்காக ஸ்பேடெக்ஸ் ஏ மற்றும் ஸ்பேடெக்ஸ் பி என 2 விண்​கலன்களை தனியார் நிறுவன பங்களிப்புடன் இஸ்ரோ வடிவ​மைத்​துள்ளது. இந்த இரட்டை விண்​கலன்கள் தலா 220 கிலோ எடை கொண்​ட​வை​யாகும். இவை பிஎஸ்​எல்வி சி-60 ராக்​கெட் வாயிலாக ஸ்ரீஹரி​கோட்​டா​வில் உள்ள ஏவுதளத்​தில் இருந்து இன்று (டிச. 30) இரவு 9.58 மணிக்கு விண்​ணில் செலுத்​தப்பட உள்ளது. ராக்​கெட் ஏவுதலுக்கான 25 மணி நேர கவுன்ட்​ட​வுன் நேற்று இரவு தொடங்​கியது. தொடர்ந்து எரிபொருள் நிரப்புதல் உட்பட இறுதிகட்ட பணிகள் நடக்கின்றன.

இந்த விண்​கலன்கள் புவி​யில் இருந்து 476 கி.மீ தூரம் கொண்ட வெவ்​வேறு சுற்றுப்​பாதைகளில் நிலைநிறுத்​தப்பட உள்ளன. சில மாதங்​களுக்கு பின்னர் அவற்றை ஒன்றிணைக்​கும் பணிகள் மேற்​கொள்​ளப்​படும். இதுதவிர ராக்​கெட் இறுதி பகுதியான பிஎஸ்-4 இயந்​திரத்​தில் போயம் (POEM-PSLV Orbital Experimental Module) என்ற பரிசோதனை​யும் மேற்​கொள்​ளப்பட உள்ளது.