பாலியல் வழக்கை சிபிஐ-யிடம் ஒப்படைக்க வேண்டும்: பழனிசாமி வலியுறுத்தல்

சென்னை: அண்ணா பல்கலைக்கழக மாணவி பாலியல் வன்கொடுமை வழக்கை சிபிஐ​யிடம் ஒப்படைக்க வேண்​டும் என்று அதிமுக பொதுச்​ செய​லாளர் பழனிசாமி தெரி​வித்​துள்ளார்.

இதுதொடர்பாக அவர் சென்னை​யில் நேற்று செய்தி​யாளர்​களிடம் கூறிய​தாவது: அண்ணா பல்கலைக்கழக வளாகத்​துக்​குள் ஞானசேகரன் என்பவர் அத்து​மீறி நுழைந்து, மாணவர் ஒருவரை அடித்து உதைத்து​விட்டு உடன் இருந்த மாணவிக்கு பாலியல் வன்கொடுமை செய்ய முயன்​றுள்​ளார். அதை செல்​போனிலும் படம் எடுத்​துள்ளார்.

அப்போது அவர் செல்​போனுக்கு அழைப்பு வந்த​தாக​வும், அவர் ஒருவரிடம் சார் சார் என்று பேசி​யதாக​வும் அந்த மாணவர் புகாரில் தெரி​வித்​துள்ளார். அந்த சார் யார் என்பதை இதுவரை உறுதிப்​படுத்​தவில்லை. ஆனால் காவல்​துறை உயரதி​காரி, பாலியல் வன்கொடுமை செய்தது ஞானசேகரன் மட்டும்​தான் என்கிறார்.

ஒரு சரித்திர பதிவேடு குற்​றவாளி எப்படி பல்கலைக்கழக வளாகத்​துக்​குள் எளிதாக நடமாட முடி​யும். இதை எப்படி அனும​தித்​தார்​கள்?

முதலில் பல்கலைக்கழக போஷ் கமிட்​டிக்கு புகார் வந்ததாக காவல்​துறை அதிகாரி​யும் நேரடியாக காவல் நிலை​யத்​துக்​குத்​தான் புகார் வந்ததாக உயர் கல்வித்​துறை அமைச்​சரும் தெரி​வித்​துள்ளனர். இருவரும் முரண்​பட்ட தகவலை தெரி​வித்​துள்ளனர். இந்த வழக்​கில் ஆளுங்கட்​சி​யினர் சம்மந்​தப்​பட்​டுள்​ளனர். ஞானசேகரன் திமுகவை சேர்ந்​தவராக இருப்​பதாக தகவல் வருகிறது.

இதையெல்​லாம் பார்க்​கும்​போது ஆளுங்​கட்​சியை சேர்ந்​தவர்களை தப்பிக்க வைக்க காவல்​துறை செயல்​படு​கிறதோ என மக்கள் மத்தி​யில் அச்சம் ஏற்பட்​டுள்​ளது. ஆகவே நடுநிலை​யோடு, பாதிக்​கப்​பட்ட மாணவிக்கு நீதி கிடைக்க இந்த வாழ்க்கை சிபிஐ வசம் ஒப்படைக்க வேண்​டும்.

அண்மைக் காலமாக பல்வேறு பாலியல் வன்கொடுமை நிகழ்வுகள் நடைபெற்றுள்ளன. திமுக ஆட்சிக்கு வந்த​திலிருந்து பெண்​களுக்கு பாது​காப்பு இல்லை. தொடர்ந்து பாலியல் வன்கொடுமைக்கு சிறுமிகள் உட்படுத்​தப்​படு​கின்​றனர். இத்தகைய குற்​றத்​தில் ஈடுபடு​வோர் திமுக​வில் பலர் இருப்​பதாக செய்திகள் வருகின்றன. சட்டம் ஒழுங்கு சீர்​கெட்​டுள்​ளது. நிர்வாக சீர்​கேடு அதலபாதாளத்​துக்கு சென்​று​விட்​டது. எல்லா துறை​களி​லும் ஊழல் மலிந்து உள்ளது. இதுகுறித்து நடவடிக்கை கோரி ஆளுநரை சந்தித்து புகார் அளிக்க இருக்​கிறோம்.

தமிழகத்​தில் பாலியல் வன்கொடுமைகள் அதிகரித்​திருப்பதை கண்டித்து அறிவிக்​கப்​பட்​டிருந்த கண்டன ஆர்ப்​பாட்டம் தள்ளிவைக்​கப்​பட்​டிருந்த நிலை​யில், அது வரும் 30-ம் தேதி அனைத்து ​மாவட்​டங்​களி​லும் நடை​பெறும். இவ்​வாறு அவர் கூறினார். அவருடன் முன்​னாள் அமைச்​சர்​கள் டி.ஜெயக்​கு​மார், பா.வளர்​மதி, ​மாதவரம் மூர்த்தி, பா.பென்​ஜமின் உள்​ளிட்​டோர்​ உடனிருந்​தனர்​.