செங்கையில் 1 கி.மீ. சாலையை அமைக்க 20 ஆண்டுகளாக சிக்கல்!

செங்​கல்​பட்டு மாவட்டம் திருப்​போரூர் மற்றும் அதைச் சுற்றி​யுள்ள செம்​பாக்​கம், மடையத்​தூர், இள்ளலூர், கொட்​டமேடு, மாம்​பாக்​கம், காயார் உள்ளிட்ட கிராமங்​களில் சுமார் 13 ஆயிரத்து 800 ஏக்கர் பரப்​பள​வில் வனப்​பகுதி உள்ளது. இந்த வனப்​பகு​தியை ஒட்டி பல்வேறு கிராமங்கள் உள்ளன.

அதேபோல், திருப்​போரூர் ஒன்றி​யம், இள்ளலூர் ஊராட்​சி​யில் செங்​காடு, பெரி​யார் நகர் ஆகிய கிராமங்கள் உள்ளன. இந்த 2 கிராமங்​களுக்​கும் செல்​வதற்கு வனப்​பகு​தியை கடந்தே செல்ல வேண்டிய நிலை உள்ளது. மண் மற்றும் ஜல்லி கலந்து போடப்​பட்​டுள்ள சாலை தற்போது புழக்​கத்​தில் இருந்​தா​லும், புதிய சாலை அமைக்க வனத்​துறை தடை விதித்​துள்ளது.

இதன் காரணமாக கடந்த, 20 ஆண்டு​களுக்கு மேலாக புதிய சாலை அமைக்க முடியாத நிலை உள்ளது. செங்​காடு கிராமத்​தில் ஏராள​மானோர்விவசாயப் பணிகளில் ஈடுபட்டு வருகின்​றனர். கத்தரி, வெண்டை, பூசணி, சுரைக்​காய், அவரை போன்ற​வற்றை பயிரிட்டு, அவற்றை திருப்​போரூர், செங்​கல்​பட்டு, தாம்​பரம், கோயம்​பேடு ஆகிய இடங்​களுக்கு கொண்டு சென்று விற்பனை செய்​கின்​றனர்.

திருப்​போரூர் - இள்ளலுார் சாலை​யில் இருந்து செல்​லும் செங்​காடு சாலை 3 கி.மீ. தூரம் உடையது. இதில், 2 கி.மீ. சாலை மேம்​படுத்​தப்​பட்​டது. 1 கி.மீ. சாலை மேம்​படுத்​தப்​படாமல் குண்​டும், குழி​யுமாக காணப்​படு​கிறது. மழை நேரத்​தில் இச்சாலை​யில் குளம்​போல் நீர் தேங்​கு​கிறது. இதனால், இவ்வழியே செல்​லும் வாகன ஓட்டிகள் கடும் அவதிக்​குள்​ளாகின்​றனர்.

இதனால், மேட்டுக்​குப்பம் கிராமத்​தில் உள்ள ஆஞ்சநேயர் கோயி​லுக்கு செல்​வோர், கோமா நகர், தையூர், காயார் உள்ளிட்ட கிராமங்​களுக்கு செல்​வோர் பெரும் சிரமத்​துக்கு ஆளாகின்​றனர். அமைச்​சர், ஆட்சியர், எம்.பி.,எம்எல்ஏ, உள்ளாட்சி பிரதி​நிதி என அனைவரும் இதற்கு போராடி​விட்​டனர்; தீர்வு தான் கிடைக்க​வில்லை. எனவே, மாநில அரசு உரிய நடவடிக்கை எடுத்து இச்சாலையை சீரமைக்க வேண்​டும் என பொது​மக்கள் சார்​பில் கோரிக்கை விடுக்​கப்​பட்டு உள்ளது.

இதுகுறித்து சமூக ஆர்வலர் இள்ளலூர், உமாபதி கூறிய​தாவது: இள்ளலூர் ஊராட்​சி​யில் பெரி​யார் நகர் பகுதி உள்ளது. இங்கு, 500-க்​கும் மேற்​பட்ட குடி​யிருப்புகள் உள்ளன. இந்த பகுதிக்கு செல்​லும் சாலை வனப்​பகு​தி​யில் அமைந்​துள்ளது. இள்ளலூர் ஊராட்சி மன்றம் சார்​பில், சாலையை சீரமைக்க வனத்​துறை​யிடம் கடைசியாக 2014-ம் ஆண்டு அனுமதிகோரப்​பட்​டது. ஊராட்சி மன்ற தீர்​மான​மும் நிறைவேற்​றப்​பட்டு அனுப்பி வைக்​கப்​பட்​டது.

ஆனால், இதுவரை ஆட்சேபனை​யில்லா சான்று வழங்க வனத்​துறை முன் வரவில்லை. இதனால், 1 கி.மீ. துார சாலை அமைக்க இயலவில்லை. சுமார் 20 ஆண்டு​களுக்கு மேலாக தவம் இருக்​கிறோம்; ஆனால் தீர்​வு​தான் கிடைக்க​வில்லை. அனைத்து தரப்​பினரிடமும் கோரிக்கை மனு கொடுத்து தீர்வு ஜீரோ தான்.

வனத்​துறை​யின் இந்த கால தாமதமான நடவடிக்கை​யால் சாலைப் பணிகள் நடைபெற​வில்லை. சில இடங்​களில் வனத்​துறை​யின் கட்டுப்​பாட்டுக்​குள் வரும் சாலைப்பணி என்றால் ஒப்பந்தம் எடுக்கவே ஆட்கள் வருவ​தில்லை. இதன் காரணமாக கிராம வளர்ச்சி பாதிக்​கப்​படு​வ​தாக​வும், அவசரத்​துக்கு நகரப்​பகு​திக்கு செல்ல முடியாத நிலை உள்ள​தாக​வும் பொது​மக்கள் குற்றம் சாட்டு​கின்​றனர்.

ஆகவே, மக்களின் பயன்​பாட்​டில் உள்ள சாலைகளை அவற்றின் தேவை மற்றும், முக்​கி​யத்துவம் கருதி விதி​விலக்கு அளித்து, சாலை அமைக்க ஆட்சேபனை​யில்லா சான்றை வனத்​துறை அளிக்க வேண்​டும் திருப்​போரூர் தொகு​தி​யில் பின்​தங்​கி​யுள்ள கிராமங்களை இணைக்​கும் பல சாலைகளில் ஒரு சில பகுதி​கள், காப்​புக்​காடு பகுதி​களாக உள்ளன.

இதனால், அந்த கிராமச் சாலைகளை பராமரிக்​கவோ, செப்​பனிடவோ அல்லது சீரமைக்​கவோ, வனத்​துறை​யிடம் அனுமதி பெற வேண்​டும். ஆனால் வனத்​துறை​யினரிடம் எளிதாக அனுமதி கிடைக்காத காரணத்​தால், அந்த சாலைகள் சீரழிந்து, பெரும் பள்​ளத்​தாக்​கு​களாக ​மாறி உள்ளன. இத​னால் ​போக்கு​வரத்​துக்கு லாயக்​கற்ற நிலை​யில் பல சாலைகள் உள்ளன. எனவே, தமிழக அரசு இப்பிரச்​சினையில் கவனம் செலுத்தி ​விரைந்து நட​வடிக்கை எடுக்க வேண்​டும். இவ்​வாறு அவர்​ கூறினர்​.